ಸಮಾಜಮುಖಿಯಂತಹ ಪತ್ರಿಕೆಯ ಪ್ರತಿಯೊಂದು ಸಂಚಿಕೆ ರೂಪಿಸುವುದು ಸಂಪಾದಕನಿಗೆ ಹೊಸ ಸವಾಲು ಒಡ್ಡುವ, ಅನುಭವ ದಕ್ಕಿಸುವ, ಒತ್ತಡದಲ್ಲಿ ಮುಳುಗಿಸುವ, ಸಂಕಟಕ್ಕೆ ಈಡು ಮಾಡುವ, ಸಂತೃಪ್ತಿ ಕೊಡುವ ಪ್ರಕ್ರಿಯೆ. ಅದನ್ನೆಲ್ಲಾ ಪ್ರತೀ ಬಾರಿ ಓದುಗರೆದುರು ತೋಡಿಕೊಳ್ಳಲಾಗದು; ಒಂದು ಬಗೆಯಲ್ಲಿ ಉಗುಳಲೂ, ನುಂಗಲೂ ಆಗದ ಸಂದಿಗ್ಧ ಸ್ಥಿತಿ. ಆದಾಗ್ಯೂ ನುಗ್ಗಿಬರುತ್ತಿರುವ ಒಳಗಿನ ತವಕ ತಡೆಯಲಾಗದೆ ಕೆಲವೊಮ್ಮೆ ಇಂತಹ ಅನುಭವದ ತುಣುಕುಗಳನ್ನು ನಿಮ್ಮೊಂದಿಗೆ ಹಂಚಿಕೊಳ್ಳುವೆ. ಆರೇಳು ತಿಂಗಳ ಹಿಂದೆ ಸಾಹಿತಿಯೊಬ್ಬರಿಗೆ ಒಂದು ಲೇಖನ ಬರೆದುಕೊಡಲು ಕೋರಿದಾಗ, ‘ಕಳೆದ ಮೂರು ತಿಂಗಳಿನಿಂದ ಸಾಹಿತ್ಯ ಮತ್ತು […]
ಕುವೆಂಪು 1935ರಷ್ಟು ಹಿಂದೆ ಯುವಕಯುವತಿಯರಿಗೆ ಕೊಟ್ಟಿದ್ದ ಕರೆ ಈಗ ನಿಜವಾಗುತ್ತಿದೆ. ಗುಡಿ ಚರ್ಚು ಮಸೀದಿಗಳ ಬಾಗಿಲು ಮುಚ್ಚುತ್ತಿವೆ. ಬರಿದಾಗುತ್ತಿದ್ದ ಹಳ್ಳಿಗಳು ಮತ್ತೆ ತುಂಬಿಕೊಂಡು ವ್ಯವಸಾಯ ಪುನಶ್ಚೇತನಗೊಳ್ಳುತ್ತಿದೆ. ದೇವರ, ಧರ್ಮದ ಹೆಸರಿನಲ್ಲಿ ಹರಡುತ್ತಿದ್ದ ಮೌಢ್ಯತೆಯ ಮಾರಿ ವಿಜ್ಞಾನ ದೀವಿಗೆಯ ಬೆಳಕಿನಲ್ಲಿ ಬಯಲಾಗುತ್ತಿದೆ. ಸಮಾಜಮುಖಿ ತನ್ನ ಈ ವರ್ಷದ ಏಪ್ರಿಲ್ ಮತ್ತು ಮೇ ತಿಂಗಳುಗಳ ಸಂಯುಕ್ತ ಮುಖ್ಯ ಚರ್ಚೆಯ ವಿಷಯಗಳಾಗಿ ಆಯ್ದುಕೊಂಡಿರುವ ‘ಕೊರೊನಾ ನಂತರದ ಯುಗದ ಗುಣಲಕ್ಷಣಗಳೇನು?’ ಮತ್ತು ‘ಕರ್ನಾಟಕದಲ್ಲಿ ಪರಿಸರ ಸಮತೋಲನ ಸಾಧಿಸುವಲ್ಲಿ ಯಶಸ್ವಿಯಾಗುತ್ತಿದ್ದೇವೆಯೇ?’ ಎಂಬ ಪರಸ್ಪರ ಪೂರಕ […]
ಬಚ್ಚಿಟ್ಟ ಬಯಕೆಗಳೇ ನಮ್ಮ ಕನಸುಗಳು, ಒತ್ತಡದ ಮಾನಸಿಕ ಹಿಂಸೆಗಳೇ ಮನೋರೋಗಗಳು ಎಂದು ಮನೋವಿಶ್ಲೇಷಣೆ ಮಾಡಿದ ಸಿಗ್ಮಂಡ್ ಫ್ರಾಯ್ಡ್ ಆ ಮೂಲಕ ಮನುಷ್ಯರ ಭಯ, ಆತಂಕ, ತಳಮಳದ ವರ್ತನೆಗಳು ಮತ್ತು ಸ್ವಪ್ನಗಳ ಸಿದ್ಧಾಂತ ಮಂಡಿಸಿದ. ಆ ರೀತಿಯಲ್ಲಿ ಈ ಕೊರೋನಾ ಕಾಲದ ಜಾಗತಿಕ ಮನೋವಿಶ್ಲೇಷಣೆ ಆಗಬೇಕು. ವಿಕಾಸದ ಹಾದಿಯಲ್ಲಿ ಮಾನವ ಸಾಕಷ್ಟು ಸಾಂಕ್ರಾಮಿಕ ರೋಗಬಾಧೆಗಳನ್ನು ಅನುಭವಿಸಿ ಬಂದಿದ್ದಾನೆ. ಕೊರೋನಾ ಈ ಕಾಲದ ಒಂದು ಎಚ್ಚರಿಕೆಯ ಗಂಟೆ. ಎಲ್ಲ ರೋಗಗಳಿಗೂ ನಿಸರ್ಗದಲ್ಲೆ, ಸಮಾಜಗಳಲ್ಲೆ ಔಷಧವಿದೆ. ಯಾವ ಜೀವಿಯೂ ನಿಸರ್ಗಕ್ಕೆ ವೈರಿ […]
ಕೋವಿಡ್-19 ವೈರಸಿನಿಂದ ಸದ್ಯ ಪಾರಾದರೂ, ಮುಂದಿನ ದಿನಗಳಲ್ಲಿ ಹೊಸ ವೈರಸುಗಳು ಮನುಷ್ಯನ ನಿದ್ದೆ ಕೆಡಿಸಲಿವೆ. ಹಾಗಾಗಿ, ಇದು ಭೂಮಿ ನಮಗೆ ಕೊಡುತ್ತಿರುವ ಕೊನೆಯ ಎಚ್ಚರಿಕೆಯ ಕರೆಗಂಟೆಯೆಂದೇ ಭಾವಿಸಬೇಕು. ಹೆಸರಾಂತ ಗ್ರೀಕ್ ತತ್ವಶಾಸ್ತ್ರಜ್ಞ ಪ್ಲೇಟೋ ಹೇಳಿದಂತೆ, ರಾಜಕೀಯ ನಾಯಕತ್ವ ದಾರ್ಶನಿಕರ ಕೈಯಲ್ಲಿರಬೇಕು. ಯಾಕೆಂದರೆ, ಒಬ್ಬ ಉತ್ತಮ ದಾರ್ಶನಿಕನಲ್ಲಿ ಜ್ಞಾನ, ಬುದ್ಧಿವಂತಿಕೆ, ದೂರದೃಷ್ಟಿ, ಜೊತೆಗೆ ಸಂಯಮ ಅಂತರ್ಗತವಾಗಿರುತ್ತದೆ. ಇವೆಲ್ಲಾ ರಾಷ್ಟ್ರನಾಯಕರಲ್ಲಿ ಅತ್ಯಗತ್ಯವಾಗಿರಬೇಕಾದ ಲಕ್ಷಣಗಳು. ಪ್ರಸ್ತುತ, ಕೊರೊನ ವೈರಸ್ ದಾಳಿಯಿಂದ ಇಡೀ ವಿಶ್ವವೇ ತತ್ತರಿಸುತ್ತಿರುವಾಗ, ನಮ್ಮೆಲ್ಲಾ ನಾಗರಿಕ ವ್ಯವಸ್ಥೆಗಳು ದುರ್ಬಲವಾಗಿ ಕಾಣಿಸುತ್ತಿರುವುದಕ್ಕೆ, […]
ಒಂದು ವಿಧಾನ ಸೌಧ ಅಥವಾ ಮೈಸೂರು ಅರಮನೆ ಬಿದ್ದುಹೋದರೆ ಅಂತಹ ನೂರಾರು ಸೌಧ, ಅರಮನೆಗಳನ್ನು ಅದಕ್ಕಿಂತ ಭವ್ಯವಾಗಿ ನಿರ್ಮಿಸಬಹುದು, ಆದರೆ ಒಂದು ನದೀಮೂಲ ಅಳಿದುಹೋದರೆ ಅದನ್ನು ಮರುಸ್ಥಾಪಿಸಲು ನಮ್ಮಲ್ಲಿ ಯಾವುದೇ ವಿಜ್ಞಾನ, ತಂತ್ರಗಾರಿಕೆ ಇಲ್ಲ. ದಕ್ಷಿಣ ಭಾರತದ ಸಕಲ ಜೀವ ಸಂಕುಲಗಳ ಬದುಕಿನ ಚೇತನಾ ಶಕ್ತಿ ಅಂದರೆ ಅದು ಪಶ್ಚಿಮ ಘಟ್ಟ ಮತ್ತು ಅಲ್ಲಿನ ನದೀ ಮೂಲ, ಮಳೆಕಾಡು. ಪಶ್ಚಿಮ ಘಟ್ಟಕ್ಕೆ ಏನಾದರೂ ಸಮಸ್ಯೆ ಆದರೆ ಅದು ಇಡೀ ದಕ್ಷಿಣ ಭಾರತದ ಜನಜೀವನದ ಮೇಲೆ ದುಷ್ಪರಿಣಾಮ ಬೀರಬಹುದು. […]
ದೇಶದ ಇತರೆಡೆಗಳಂತೆ ಕರ್ನಾಟಕದಲ್ಲಿಯೂ ಪರಿಸರ ಸಮತೋಲನ ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ಅನೇಕ ಯೋಜನೆಗಳು ರೂಪುಗೊಂಡಿವೆ, ಅನುಷ್ಠಾನಗೊಂಡಿವೆ, ಹಾಗು ವಿವಿಧ ಪ್ರಮಾಣಗಳಲ್ಲಿ ಯಶಸ್ಸನ್ನೂ ಗಳಿಸಿವೆ ಎಂಬುದರಲ್ಲಿ ಎರಡು ಮಾತಿಲ್ಲ. ಇಷ್ಟರಿಂದಲೇ ತೃಪ್ತರಾಗದೆ ಇನ್ನೂ ಹೆಚ್ಚಿನ ಕಾಳಜಿ, ಉತ್ಸಾಹಗಳಿಂದ ಮುನ್ನಡೆಯಬೇಕಾದ ಅನಿವಾರ್ಯತೆಯನ್ನೂ ನಾವು ಅರ್ಥಮಾಡಿಕೊಳ್ಳಬೇಕಾಗಿದೆ. ನಮ್ಮ ಜೀವನದ ಅತ್ಯಾವಶ್ಯಕ ಧಾತುವಾದ ನೀರಿನ ಉದಾಹರಣೆಯೊಂದಿಗೆ ನನ್ನ ಅನಿಸಿಕೆಗಳನ್ನು ಪ್ರಸ್ತುತಪಡಿಸುತ್ತಿದ್ದೇನೆ. ಇವು ಬೃಹತ್ ಬೆಂಗಳೂರಿನ ಮಿತಿಯಲ್ಲಿ ನೀರಿನ ವಿಷಯಕ್ಕೆ ಸಂಬಂಧಿಸಿದ್ದಾಗಿವೆ. 1 ಜುಲೈ 2019ರ ನ್ಯೂಸ್-18 ವರದಿಯಂತೆ, ವೇಗವಾಗಿ ಬೆಳೆಯುತ್ತಿರುವ ಜನಸಂಖ್ಯೆ ನಗರದ ನೈಸರ್ಗಿಕ […]
ಮಾನವ ಕುಲದ ಉಳಿವಿಗೂ ಏಳಿಗೆಗೂ ಪ್ರಕೃತಿಯ ಮಹತ್ವವನ್ನು ತಿಳಿದುಕೊಂಡು ನಾವೆಲ್ಲರೂ ಸ್ವಪ್ರೇರಣೆಯಿಂದ ನಮ್ಮ ಕಿರು ಪ್ರಯತ್ನಗಳನ್ನು ಮಾಡಬೇಕು. ಅದು ನಮ್ಮೆಲ್ಲರ ಜೀವನಕ್ರಮವಾದರೆ ಮಾತ್ರ ಸಫಲತೆ ಪಡೆಯಲು ಸಾಧ್ಯ. ಈ ನಿಟ್ಟಿನಲ್ಲಿ ಸಾಕಷ್ಟು ಪ್ರಯತ್ನ ಮಾಡಿರುವ ಲೇಖಕರು ತಮ್ಮ ಸ್ವಯಂ ಅನುಭವ ಮತ್ತು ಪ್ರಯೋಗಗಳನ್ನು ಹಂಚಿಕೊಂಡಿದ್ದಾರೆ; ಇತರರಿಗೆ ಮಾದರಿ ಒದಗಿಸಿದ್ದಾರೆ. ನಾನೊಬ್ಬ ಕೃಷಿ ಹಿನ್ನೆಲೆಯಿಂದ ಬಂದ ಆದರೆ ಕೃಷಿಯನ್ನು ಜೀವನಾಧಾರ ಮಾಡಿಕೊಳ್ಳದವನು ಎಂದು ಮೊದಲಿಗೇ ಹೇಳಿಕೊಂಡು ಮುಂದುವರಿಯುತ್ತೇನೆ. ಪ್ರಕೃತಿಯನ್ನು ನಾವು ಪರಿಭಾವಿಸುವ ರೀತಿಯನ್ನು ನಮ್ಮ ಹಿನ್ನೆಲೆ ಪ್ರಭಾವಿಸುತ್ತದೆ ಎಂದು […]
ಕರ್ನಾಟಕದಲ್ಲಿ ಪರಿಸರ ಸಮತೋಲನ ಸಾಧಿಸುವಲ್ಲಿ ಯಶಸ್ವಿಯಾಗುತ್ತಿದ್ದೇವೆಯೇ? ಎಂಬ ಪ್ರಶ್ನೆಗೆ ನನ್ನ ಸ್ಪಷ್ಟ ಮತ್ತು ನೇರ ಉತ್ತರ ‘ಇಲ್ಲ’ ಎಂಬುದಾಗಿದೆ. ಈ ಲೇಖನ ತುಂಬಾ ದೀರ್ಘವಾಗಬಾರದು ಎಂಬ ಕಾರಣಕ್ಕೆ, ನಾಲ್ಕು ಅಂಶಗಳನ್ನು ಮಾತ್ರ ಇಟ್ಟುಕೊಂಡು ಚರ್ಚಿಸಿದ್ದೇನೆ. ಆ ನಾಲ್ಕು ಅಂಶಗಳೆಂದರೆ : 1. ವಾಯುಮಾಲಿನ್ಯ 2. ಜಲಮಾಲಿನ್ಯ 3. ಶಬ್ದಮಾಲಿನ್ಯ 4. ಪ್ಲಾಸ್ಟಿಕ್ ಕಲ್ಮಶ ವಾಯು ಮಾಲಿನ್ಯ ವಾಯು ಮಾಲಿನ್ಯವು ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳಲ್ಲಿಯೇ ಅಲ್ಲದೆ, ಅಭಿವೃದ್ಧಿಶೀಲ ರಾಷ್ಟ್ರಗಳಲ್ಲಿಯೂ ಗಣನೀಯವಾಗಿ ಕಂಡುಬರುತ್ತದೆ. ಕರ್ನಾಟಕದಲ್ಲಿ ಬೆಂಗಳೂರು […]
ರಾಜ್ಯದಲ್ಲಿ ಪಶ್ಚಿಮ ಘಟ್ಟದ ಮಾದರಿಯನ್ನು ಹೊಂದಿರುವ, 35000 ಹೆಕ್ಟೇರ್ ಪ್ರದೇಶದಲ್ಲಿ ಹಬ್ಬಿರುವಕೊಂಡಿರುವ ನೈಸರ್ಗಿಕ ರಮಣೀಯ ತಾಣವೆ ಸಂಡೂರು. ಉತ್ಕöÈಷ್ಟವಾದ ಕಬ್ಬಿಣದ ಅದಿರನ್ನು ತನ್ನ ಒಡಲಲ್ಲಿ ಇಟ್ಟುಕೊಂಡಿರುವುದೇ ಈ ಅರಣ್ಯಕ್ಕೆ ಕಂಟಕವಾಗಿ ಪರಿಣಮಿಸಿದೆ. ಅಧಿಕಾರಿಗಳ ನಿರ್ಲಕ್ಷ್ಯತನ, ರಾಜಕಾರಣಿಗಳ ಹಸ್ತಕ್ಷೇಪದಿಂದ ಸಂಡೂರಿನ ಬೆಟ್ಟಗಳಲ್ಲಿ ಅವ್ಯಾಹತ ಅಕ್ರಮ ಗಣಿಗಾರಿಕೆ ನಡೆದು ಲಕ್ಷಾಂತರ ಮರಗಳು, ವನ್ಯಜೀವಿಗಳು ಅಕ್ರಮ ಗಣಿಗಾರಿಕೆಗೆ ಬಲಿಯಾಗುವುದರ ಜೊತೆಗೆ ಸರ್ಕಾರದ ಬೊಕ್ಕಸಕ್ಕೆ ಸಾವಿರಾರು ಕೋಟಿ ಹಣ ನಷ್ಟವಾಗಿರುವುದು ಒಂದೆಡೆಯಾದರೆ ಪರಿಸರದ ಮೇಲಾಗಿರುವ ನಷ್ಟವನ್ನು ಅಂದಾಜಿಸಲು ಅಸಾಧ್ಯ. ಘನ ಸುಪ್ರೀಂಕೋರ್ಟಿನ ಹಸಿರು […]
ಬದಲಾಗಲಿದೆ ಪ್ರಪಂಚ! ಈ ಬಾರಿಯ ಸಮಾಜಮುಖಿ ಪತ್ರಿಕೆ ಎಂದಿನಂತೆ ವಿವಿಧ ವಿಷಯಗಳನ್ನಾಧರಿತವಾದ ಲೇಖನಗಳನ್ನು ಹೊಂದಿದೆ. ಉತ್ತಮವಾದ ಲೇಖನಗಳು. ಕೋವಿಡ್ ವೈರಸ್ ವಿಷಯಗಳ ಸುತ್ತಮುತ್ತ ಬರೆದ ಲೇಖನಗಳು ನಿಜಕ್ಕೂ ಆಸಕ್ತಿಪೂರ್ಣವಾಗಿವೆ. ಇಡೀ ಪ್ರಪಂಚವನ್ನೇ ತನ್ನ ಕಪಿಮುಷ್ಟಿಯಲ್ಲಿ ಬಂಧಿಸಿ ಹಿಡಿಟ್ಟಿರುವ ಈ ಸೂಕ್ಷ್ಮಾಣು ಜೀವಿಯ ಬಗ್ಗೆ ಎಷ್ಟೇ ಬರೆದರೂ ಸಾಲದು. ಹಲವೇ ವಾರಗಳಲ್ಲಿ ಇಡೀ ಪ್ರಪಂಚದ ಜನಜೀವನವನ್ನು ಅಲ್ಲೋಕಲ್ಲೋಲ ಮಾಡಿ ಅಟ್ಟಹಾಸದಿಂದ ಮೆರೆಯುತ್ತಿರುವ ಈ ವೈರಸ್ ಮುಂದೆಯೂ ತನ್ನ ಪ್ರಭಾವವನ್ನು ಬೀರುತ್ತಲೇ ಇರುತ್ತದೆ ಎನ್ನುವ ವಿಜ್ಞಾನಿಗಳ ಎಚ್ಚರಿಕೆ ಸ್ವಲ್ಪ ಆತಂಕದ […]
ಒಂದು ಕಡೆ ರಾಜ್ಯಗಳ ಖರ್ಚು ತೀವ್ರವಾಗಿ ಹೆಚ್ಚುತ್ತಿದೆ. ಅದೇ ಸಮಯದಲ್ಲಿ ಅವುಗಳಿಗೆ ಬರಬೇಕಾದ ತೆರಿಗೆಯೂ ತೀವ್ರವಾಗಿ ಕಡಿಮೆಯಾಗುತ್ತಿದೆೆ. ಆರೋಗ್ಯ ತಹಬಂದಿಗೆ ಬರುವ ಹೊತ್ತಿಗೆ ರಾಜ್ಯ ಸರ್ಕಾರಗಳ ಹಣಕಾಸು ಪರಿಸ್ಥಿತಿ ಛಿದ್ರವಾಗಿರುತ್ತದೆ. ದಿನನಿತ್ಯದ ಚಟುವಟಿಕೆಗಳನ್ನು ಮುಂದುವರಿಸಲು ಅವು ಕೇಂದ್ರ ಸರ್ಕಾರದ ಮುಂದೆ ಭಿಕ್ಷಾಪತ್ರೆ ಹಿಡಿದು ನಿಲ್ಲಬೇಕಾಗುತ್ತದೆ! ಕೋವಿಡ್-19 ಪಿಡುಗಿನಿಂದ ಒಂದು ದೊಡ್ಡ ವಿತ್ತೀಯ ಸವಾಲು ಎದುರಾಗಿದೆ. ಇತ್ತೀಚಿನ ದಿನಗಳಲ್ಲೇ ಇದು ಅತಿ ದೊಡ್ಡ ಸವಾಲು. ಈ ಸಮಸ್ಯೆಗೆ ಮೂರು ವಿಭಿನ್ನ ಆಯಾಮಗಳಿವೆ. ರೋಗ ಪತ್ತೆ ಹಚ್ಚುವುದಕ್ಕೆ ಹಾಗೂ […]
ಕೊರೊನಾ ಕಾಲದಲ್ಲಿ ಕರ್ನಾಟಕ ರಾಜ್ಯದ ಆಡಳಿತ ನಡೆಸುತ್ತಿರುವುದು ಭಾರತೀಯ ಜನತಾ ಪಕ್ಷದ ಸರ್ಕಾರವಲ್ಲ. ಬದಲಿಗೆ ವಿರೋಧ ಪಕ್ಷಗಳ ನಾಯಕರು, ಆಪರೇಷನ್ ಕಮಲದಿಂದ ಸಚಿವರಾದವರನ್ನು ಒಳಗೊಂಡ ಯಡಿಯೂರಪ್ಪನವರ ನೇತೃತ್ವದ ‘ಒಳಮೈತ್ರಿ ಸರ್ಕಾರ!’. ಕೊರೊನಾ ಕಾಲದ ಕರ್ನಾಟಕ ರಾಜ್ಯ ರಾಜಕಾರಣ ವಿಚಿತ್ರವೂ, ವಿಪರ್ಯಾಸಕರವೂ ಆದ ಹಾದಿಯಲ್ಲಿ ಸಾಗುತ್ತ ಕುತೂಹಲದ ಅಲೆ ಎಬ್ಬಿಸಿದೆ. ಸೂಕ್ಷ್ಮವಾಗಿ ಗಮನಿಸಿ. ಕೋವಿಡ್-19 ವೈರಸ್ ಸೋಂಕು ತಡೆಗೆ ಯುಗಾದಿ ಮುನ್ನಾ ದಿನ ದೇಶದಲ್ಲಿ ಲಾಕ್ ಡೌನ್ ಜಾರಿಯಾಯಿತು. ರಾಜ್ಯವೂ ಸ್ತಬ್ಧವಾಯಿತು. ರಾಜಕೀಯ ಪಕ್ಷಗಳು ಗರ ಬಡಿದಂತೆ ಮೌನಕ್ಕೆ […]
ಆನ್‌ಲೈನ್ ಶಿಕ್ಷಣ ಬದಲಿ, ಪರ್ಯಾಯ ಶಿಕ್ಷಣ ವ್ಯವಸ್ಥೆ ಅಲ್ಲ. ಇದನ್ನು ಮುಖಾಮುಖಿ ಶಿಕ್ಷಣದ ಜೊತೆಗೆ ಪೂರಕವಾಗಿ ಬಳಸಿಕೊಳ್ಳಬಹುದು. ಕೋವಿಡ್-19ರ ಕಾರಣದಿಂದ ಲಾಕ್‌ಡೌನ್ ಘೋಷಣೆಯಾಗಿದೆ. ದಿನನಿತ್ಯದ ಜೀವನದಲ್ಲಿ ಜನ ಸಮುದಾಯ ಹಲವು ಸಮಸ್ಯೆಗಳನ್ನು ಎದುರಿಸುತ್ತಿದೆ. ಮುಂದೇನು? ಎನ್ನುವ ಭಯ-ಆತಂಕಗಳು ಸಾಮಾನ್ಯವಾಗಿ ಎಲ್ಲಾ ಜನರಲ್ಲಿದೆ. ಅದರಲ್ಲೂ ವಿಶೇಷವಾಗಿ ಪಾಲಕರಿಗೆ ತಮ್ಮ ಮಕ್ಕಳ ಶಿಕ್ಷಣದ ಕುರಿತು ಬಹು ದೊಡ್ಡ ಆತಂಕ ಎದುರಾಗಿದೆ. ಮಕ್ಕಳ ಮುಂದಿನ ದಿನದ ಕಲಿಕೆಯ ಕುರಿತು ಸಾಕಷ್ಟು ಗೊಂದಲಗಳು ಅವರಲ್ಲಿವೆ. 2020-21ನೇ ಸಾಲಿನಲ್ಲಿ ಶಾಲೆಗಳು ಪ್ರತಿವರ್ಷದಂತೆ ನಿಗದಿತ ಅವಧಿಯಲ್ಲಿ […]
ಪವಿತ್ರ ಆರ್ಥಿಕತೆ ಎಂದರೆ ಮತ್ತೇನೂ ಅಲ್ಲ; ಸರಳ ಜೀವನ, ನಿಸ್ವಾರ್ಥ ಬದುಕು, ಆರ್ಥಿಕಮಿತಿ, ಗ್ರಾಮಗಳ ನಗರಮುಖಿ ಚಲನೆಯ ತಡೆ, ಖಾದಿ ಕನವರಿಕೆ, ದುಡಿಮೆಯ ಉತ್ತೇಜನ, ಸಂಪತ್ತಿನ ಧರ್ಮದರ್ಶಿತ್ವ. 1922ರಲ್ಲಿ ನೈಟಿಂಗೇಲ್ ಎಂಬ ಪಾದ್ರಿ ಶಿವಮೊಗ್ಗದ ತೀರ್ಥಹಳ್ಳಿ ನಾಮಧಾರಿಗಳ ಬಗ್ಗೆ ಬರೆಯುವಾಗ ಕಗ್ಗಾಡಿನೊಳಗಿನ ಆಧುನಿಕ ವಿದ್ಯೆಗೆ ಹಾತೊರೆದ ಮುಳುವಾಡಿಯ ಎಂ.ಆರ್.ಗಿರಿಯಪ್ಪಗೌಡರನ್ನು `ನಾಮಧಾರಿಗಳ ಜೂಯೆಲ್’ ಎನ್ನುತ್ತಾರೆ. `‘ಭಾರತದ ಹತ್ತಿ ಇಂಗ್ಲೆಂಡಿನ ಮಿಲ್ಲುಗಳಲ್ಲಿ ಸುಂದರ ಬಟ್ಟೆಯಾಗಿ ಮಾರ್ಪಟ್ಟು ನಮ್ಮ ಕೈಸೇರುವಂತೆ ನಮ್ಮ ಮಕ್ಕಳು ಮಿಷನ್ ಶಾಲೆಗಳ ತರಬೇತಿಯಲ್ಲಿ ಸುಂದರ ಚಾರಿತ್ರ್ಯವನ್ನು ಪಡೆಯುತ್ತಾರೆ’ […]
ಈಗಾಗಲೇ ಕನ್ನಡ ಸುದ್ದಿಮನೆಗಳಲ್ಲಿ ‘ವಲಸೆ ಬಾಂಬ್’ ಉತ್ಪಾದನೆ ಮಾಡಿಯಾಗಿದೆ! ಯಾವುದೇ ರಕ್ಷಣಾ ವ್ಯವಸ್ಥೆ ಇಲ್ಲದೆ ಕೊರೋನಾ ಪೀಡಿತ ಸಮುದಾಯದೊಳಗೆ ಸಂಚರಿಸುವ ವಲಸೆ ಕಾರ್ಮಿಕರು ರೋಗವಾಹಕರಾದರೆ ಅಚ್ಚರಿಪಡಬೇಕಿಲ್ಲ. ಕೊರೋನಾ ವೈರಾಣು ಭಾರತದ ಸಮಸ್ತ ಜನತೆಯನ್ನು ಬಾಧಿಸುತ್ತಿದೆ. 65 ದಿನಗಳ ಲಾಕ್‌ಡೌನ್ ನಂತರವೂ ಭಾರತ ಈ ವೈರಾಣುವಿನ ದಾಳಿಯಿಂದ ತತ್ತರಿಸುತ್ತಲೇ ಇದೆ. ಕೊರೋನಾ ಸದ್ಯಕ್ಕೆ ಹೋಗುವುದಿಲ್ಲ ಹಾಗಾಗಿಯೇ ಪ್ರಧಾನಿ ಮೋದಿ ಕೊರೋನಾದೊಂದಿಗೆ ಬದುಕಲು ಕಲಿಯುವಂತೆ ಕರೆ ನೀಡಿದ್ದಾರೆ. ಇದು ಸಮಾಜದ ಹಿತವಲಯದಲ್ಲಿರುವ ಮಧ್ಯಮವರ್ಗಗಳಿಗೆ, ಶ್ರೀಮಂತರಿಗೆ ಮತ್ತು ನಗರ-ಪಟ್ಟಣಗಳಲ್ಲಿ ನೆಲೆ ಕಂಡುಕೊಂಡಿರುವ […]
ಸಾಂಕ್ರಾಮಿಕ ರೋಗಗಳು ಕೇವಲ ಇಂದು ನಿನ್ನೆಯವಲ್ಲ. ಹದಿನಾರನೆಯ ಶತಮಾನದಲ್ಲಿ ಐರೋಪ್ಯ ರಾಷ್ಟçಗಳ ಜನರು ಬಂದಾಗಿನಿಂದಲೂ ಒಂದಲ್ಲಾ ಒಂದು ಸಾಂಕ್ರಾಮಿಕ ರೋಗ ಭಾರತೀಯರನ್ನು ಕಾಡಿದೆ. ಪ್ಲೇಗು, ಕಾಲರಾ, ಇನ್‌ಫ್ಲುಯೆಂಜಾ, ಮಲೇರಿಯಾ ಹಾಗೂ ಹತ್ತುಹಲವು ಬ್ಯಾಕ್ಟೀರಿಯಾ ಮತ್ತು ವೈರಸ್‌ಯುಕ್ತ ಸಾಂಕ್ರಾಮಿಕ ಕಾಯಿಲೆಗಳು ಕನ್ನಡ ನಾಡನ್ನೂ ಕಾಡಿವೆ. ಸಾಂಕ್ರಾಮಿಕ ರೋಗಗಳಿಂದ ಘಟಿಸಿದ ಸಾವು ನೋವುಗಳು ಕನ್ನಡ ಬರಹ ಮತ್ತು ಸಾಹಿತ್ಯದಲ್ಲಿ ದಾಖಲಾಗಿವೆ. ರೋಗಗಳಿಂದ ಬದುಕುಳಿಯಲು ಹಳ್ಳಿಹಳ್ಳಿಗಳೇ ಗುಳೇ ಎದ್ದು ಹೋದದ್ದು ಕೂಡಾ ಅಲ್ಲಲ್ಲಿ ಬಿಂಬಿತವಾಗಿದೆ. ಅಂದಿನ ಗ್ರಾಮೀಣ ಸಾಮಾಜಿಕತೆಯ ಮೇಲೆ ಆದ […]
ಒಂದು ಅನುಭವವು ಗಂಭೀರ ಸಾಹಿತ್ಯದಲ್ಲಿ ವಸ್ತುವಾಗಿ ಬರಬೇಕಾದರೆ ಅದು ನಮ್ಮನ್ನು ತೀವ್ರವಾಗಿ ಕದಕಿರಬೇಕು. ನಮ್ಮ ಪ್ರಜ್ಞೆಯ ಎಲ್ಲಾ ಪಾತÀಳಿಗಳನ್ನು ಅದು ಹೊಕ್ಕಿರಬೇಕು. ಹಾಗೆ ಆಗಲು ಸೂಕ್ಷ್ಮವಾದ ಸಂವೇದನೆ ಬೇಕು. ಸಾಮಾಜಿಕ ನೈತಿಕ ಪ್ರಜ್ಞೆ ಬೇಕು. ಶ್ರೀನಿವಾಸ ವೈದ್ಯರ ‘ಹಳ್ಳ ಬಂತು ಹಳ್ಳ’ ಕಾದಂಬರಿಯಲ್ಲಿ ಊರಿಗೆ ಪ್ಲೇಗ್ ಬಂದ ಹೊಸತರಲ್ಲಿ ಜನರ ಪ್ರತಿಕ್ರಿಯೆ ಹೀಗಿರುತ್ತದೆ. “ಇದೇನು ಬಿಡು ದಸರೇ, ದೀಪಾವಳಿ ಹಬ್ಬದ ಹಂಗೆ ವರಷಾ ಬರೂದ”. ಈ ತಾತ್ಸಾರಕ್ಕೆ ಕಾರಣವನ್ನು ನಿರೂಪಕರು ಹೀಗೆ ಕೊಡುತ್ತಾರೆ: “ಆವಾಗ ಕೆಲವು ವರ್ಷ […]
‘ಗ್ರಾಮಾಯಣ’ದಲ್ಲಿ ಕಾಣಿಸಿಕೊಳ್ಳುವ ಕಾಲರಾ, ಈ ಕಾದಂಬರಿಯ ಪ್ರಮುಖ ಪಾತ್ರಗಳಲ್ಲಿ ಒಂದು. ಈ ಸಾಂಕ್ರಾಮಿಕ ರೋಗ ಕಾದಂಬರಿಗೆ ನಾಟಕೀಯ ತಿರುವು ಕೊಡುವುದೂ ಸೇರಿದಂತೆ ಅನೇಕ ಘಟಿತಗಳಿಗೆ ಕಾರಣವಾಗುತ್ತದೆ. ಇಂಗ್ಲಿಷಿನಲ್ಲಿ ‘ಡೆಥ್ ಈಜ್ ದ ಲೆವೆಲ್ಲರ್’ ಎಂಬ ಮಾತೊಂದಿದೆ. ಇದು ಯಾವ ಸಮಾನತೆಗಾಗಿ ಬದುಕಿಡೀ ಕನವರಿಸಿ, ಹೋರಾಡಿ, ಏನೆಲ್ಲ ಪಾಡು ಪಟ್ಟರೂ ಸಿಗದ ಸಮಾನತೆಯನ್ನು ಸಾವು ತನ್ನ ನಿರ್ಜೀವತೆಯಲ್ಲಾದರೂ ಸರಿ, ಸಾಧಿಸಿಬಿಡುತ್ತದೆ ಎನ್ನುವುದನ್ನು ಸೂಚಿಸುತ್ತದೆ. ಈ ಮಾತು ಕೊನೆಗೂ ಮನುಷ್ಯನ ಅಸಹಾಯಕತೆಯನ್ನು ಹೇಳುತ್ತದೋ, ಮನುಷ್ಯನ ಮಿತಿಯನ್ನು ಹೇಳುತ್ತದೋ, ಸಾವಿನ ಅಸಾಮಾನ್ಯ […]
ಕುವೆಂಪು ಅವರು ತಮ್ಮ ಸುತ್ತಲಿನ ಪರಿಸರದಲ್ಲಿ ಹಬ್ಬುತ್ತಿದ್ದ ಸಾಂಕ್ರಾಮಿಕ ರೋಗಗಳ ಹಾವಳಿಯನ್ನು ಬಹಳ ಹತ್ತಿರದಿಂದ ನೋಡುತ್ತಾ ಬಾಲ್ಯ ಕಳೆದವರು; ಸ್ವತಃ ವಿಷಮಶೀತ ಜ್ವರಕ್ಕೆ ತುತ್ತಾಗಿ ಸಾವು ಜಯಿಸಿ ಬಂದವರು. ಅವರ ಸಾಂಕ್ರಾಮಿಕ ರೋಗಗಳೊಂದಿಗಿನ ಮುಖಾಮುಖಿ ಅನುಭವಗಳು, ವಿವರಗಳು ಅವರ ಆತ್ಮ ಚರಿತ್ರೆ ‘ನೆನಪಿನ ದೋಣಿಯಲ್ಲಿ’ ದಾಖಲಾಗಿವೆ. ಈ ಕೃತಿಯಿಂದ ಆಯ್ದ ಕೆಲವು ಭಾಗಗಳು, ಸಮಾಜಮುಖಿ ಓದುಗರಿಗಾಗಿ. ಮೊದಲನೆಯ ಮಹಾಯುದ್ಧದ ಭಯಂಕರತೆ ಆಟಗುಳಿಗಳಾಗಿದ್ದ ತೀರ್ಥಹಳ್ಳಿಯ ಶಾಲಾಬಾಲಕರಿಗೆ ವಾರ್ತಾರೂಪದ ವಿನೋದದ ವಿಷಯವಾಗಿತ್ತಷ್ಟೆ! ಆದರೆ ಆ ಯುದ್ಧ ಮುಗಿಯುವ ಹೊತ್ತಿಗೆ ಅದರ […]
ಕನ್ನಡ ಸಾಹಿತ್ಯ ಪರಂಪರೆಯಲ್ಲಿ ವೈದ್ಯಗ್ರಂಥಗಳೂ, ಜೋತಿಷ್ಯ ಗ್ರಂಥಗಳೂ ಅಪಾರ ಸಂಖ್ಯೆಯಲ್ಲಿವೆ. ಆದರೆ ಸಮುದಾಯಗಳನ್ನೇ ನಾಶ ಮಾಡುತ್ತಿದ್ದ ಸಾಂಕ್ರಾಮಿಕ ರೋಗಗಳ ಪ್ರಸ್ತಾಪ ಇವುಗಳಲ್ಲಿರುವುದಿಲ್ಲ. ಪ್ರಾಚೀನ ಕನ್ನಡ ಕೃತಿಗಳಲ್ಲಿ ಸಾಂಕ್ರಾಮಿಕ ರೋಗಗಳ ಬಗ್ಗೆ ಹೆಚ್ಚು ಪ್ರಸ್ತಾಪವಿರುವುದಿಲ್ಲ. ಆದರೆ ಹೆಚ್ಚು ಸಾಂಕ್ರಾಮಿಕವಲ್ಲದ ಕುಷ್ಠ ಹಾಗೂ ತೊನ್ನು ರೋಗಗಳ ವಿವರಗಳಿವೆ. ಕನ್ನಡದ ಆದಿ ಗದ್ಯ ಗ್ರಂಥ ವಡ್ಡಾರಾಧನೆಯ ‘ವಿದ್ಯುಚ್ಚೋರನೆಂಬ ರಿಸಿಯ ಕಥೆ’ಯಲ್ಲಿ ತೊನ್ನು ರೋಗವುಳ್ಳ ಪಾತ್ರ ಸಂಗತಿಯ ಕಥನವಿದೆ. ಆದರೆ ಶಿವಕೋಟ್ಯಾಚಾರ‍್ಯನು ಆ ತೊನ್ನು ರೋಗದ ವಿದ್ಯುತ್‌ಚೋರ ಕಳ್ಳನ ವಿವರ ಕೊಡುವ ಕ್ರಮ […]
