ಗ್ರಾಮೀಣ ಗ್ರಂಥಾಲಯ ಓದುಗರಿಗೆ ಕೊಡುಗೆ

ಬದುಕು ಕಟ್ಟಿಕೊಳ್ಳಲು, ಬೌದ್ಧಿಕವಾಗಿ ಬೆಳೆಯಲು ಅಗತ್ಯವಾದ ಮಾಹಿತಿ, ವಿಶ್ಲೇಷಣೆ, ಸಿದ್ಧಾಂತಗಳನ್ನು ಮೀರಿದ ವೈಚಾರಿಕತೆ ಹೊತ್ತು ಬರುತ್ತಿರುವ ‘ಸಮಾಜಮುಖಿ’ ಮಾಸಿಕವನ್ನು ನೀವೆಲ್ಲಾ ಗಮನಿಸಿದ್ದೀರಿ. ಅಂತಃಸತ್ವ ಮತ್ತು ಬಾಹ್ಯ ಸ್ವರೂಪ ಎರಡರಲ್ಲೂ ಅಂತಾರಾಷ್ಟ್ರೀಯ ಗುಣಮಟ್ಟ ಕಾಯ್ದುಕೊಂಡಿರುವ ಈ ಪತ್ರಿಕೆಯನ್ನು ನೀವು ಅಷ್ಟೇ ವಾತ್ಸಲ್ಯದಿಂದ ಬರಮಾಡಿಕೊಡಿರುವಿರಿ. ಸಮಾಜಮುಖಿಗೆ ವರ್ಷ ತುಂಬಿದ ಈ ಸಂದರ್ಭದಲ್ಲಿ ಓದುಗರ ಬಳಗವನ್ನು ವಿಸ್ತರಿಸಿಕೊಳ್ಳುವ ತವಕ ನಮ್ಮದು. ಈ ನಿಟ್ಟಿನಲ್ಲಿ ಹೀಗೊಂದು ಯೋಜನೆಯನ್ನು ನಿಮ್ಮೆದುರು ಮಂಡಿಸುತ್ತಿದ್ದೇವೆ. ಯೋಜನೆಯ ವಿವರ ತಾಲೂಕಿಗೊಬ್ಬ ಹಿತೈಷಿ ನೆರವಿನಿಂದ ರಾಜ್ಯದ ಎಲ್ಲಾ 5700 ಗ್ರಾಮೀಣ […]

ಕಾಶ್ಮೀರ ಮೂಲನಿವಾಸಿಗಳ ವೇದನೆ, ನಿವೇದನೆ

ನೀರಕಲ್ಲು ಶಿವಕುಮಾರ್

ಪುಲ್ವಾಮಾ ಬಾಂಬ್ ಸ್ಫೋಟದ ಹಿನ್ನೆಲೆಯಲ್ಲಿ ಕಾಶ್ಮೀರ ಸಮಸ್ಯೆಯನ್ನು ತಳಸ್ಪರ್ಶಿಯಾಗಿ ಮರುಪರಿಶೀಲಿಸುವ ಸಂದರ್ಭ ಸೃಷ್ಟಿಯಾಗಿದೆ. ಇತ್ತೀಚೆಗೆ ಕಣಿವೆರಾಜ್ಯಕ್ಕೆ ಅಧ್ಯಯನ ಪ್ರವಾಸ ಹೋಗಿದ್ದ ಲೇಖಕರು ಅಲ್ಲಿನ ಒಳಸುಳಿಗಳು, ಸ್ಥಳೀಯರ ಆಲೋಚನೆ, ಹಿರಿಯರ ವಿಷಾದ, ಕಿರಿಯರ ಆಕ್ರೋಶ ಕುರಿತು ಆಳನೋಟ ಬೀರಿದ್ದಾರೆ. ಈತನಕ ಹೊರಗಿನವರ ಗಮನಕ್ಕೆ ನಿಲುಕದ ಅನೇಕ ನಿಜಗಳು ಇಲ್ಲಿವೆ. ಕಾಶ್ಮೀರ ಭೂಮಿಯ ಮೇಲಿನ ಸ್ವರ್ಗ. ಹಿಮಾಚ್ಛಾದಿತ ಗಿರಿ ಶಿಖರಗಳ ಸಾಲು, ಹಸಿರು ಹಾಸಿ ಹೊದ್ದ ಕಣಿವೆ ಕಾನನಗಳು, ಹಿಮಾಲಯದಿಂದ ಇಳಿದು ಬಂದು ಸಮೃದ್ದಿ ಸೃಷ್ಟಿಸಿ ವರ್ಷವಿಡಿ ಹರಿಯುವ ಜೀವನದಿಗಳು; […]

ಏನಿದು ಅಸಾಮಾನ್ಯ ಚಿತ್ರಣ..?

-ಮೋಹನದಾಸ್.

ಪ್ರಾತಿನಿಧಿಕ ಮಾದರಿ ಅಧ್ಯಯನದ ರೂಪುರೇಶೆ ಇದೀಗ ಮತ್ತೆ ಚುನಾವಣಾ ಪರ್ವ. ಪಕ್ಷಗಳು ನಮ್ಮ ದೇಶದ ಬಡತನ ಮತ್ತು ನಿರುದ್ಯೋಗದ ಸಮಸ್ಯೆ ಬಗೆಹರಿಸಲು ಹೊಸಹೊಸ ಯೋಜನೆಗಳನ್ನು ರೂಪಿಸುವ ಸಮಯ. ಅಭ್ಯರ್ಥಿಗಳು ನಮ್ಮ ಅಗತ್ಯಗಳನ್ನು ನಮಗಿಂತಲೂ ಚೆನ್ನಾಗಿ ಅರಿತು ನಮ್ಮ ‘ಪ್ರಗತಿ-ವಿಕಾಸ-ಅಭಿವೃದ್ಧಿ’ಗೆ ಕಾರ್ಯಕ್ರಮಗಳನ್ನು ಘೋಷಿಸುವ ಸಮಯ. ನಮ್ಮಲ್ಲಿನ ಹಲವು ಅಸಹಾಯಕರಿಗಾಗಿ ‘ಭಾಗ್ಯ-ಭತ್ಯೆ-ಅನುದಾನ-ಕಲ್ಯಾಣ-ಪಿಂಚಣಿ’ ಭರವಸೆಗಳನ್ನು ನೀಡುವ ಸಮಯ. ‘ಸಮಗ್ರ-ಸರ್ವಾಂಗೀಣ’ ಅಭಿವೃದ್ಧಿಗೆ ‘ಆಮೂಲಾಗ್ರ’ವಾಗಿ ಎಲ್ಲ ಜಾತಿ-ವರ್ಗಗಳನ್ನು ಓಲೈಸಲು ಪ್ರಣಾಳಿಕೆಗಳಲ್ಲಿ ಗೊತ್ತು-ಗುರಿ-ಆಶಯ-ಉದ್ದೇಶಗಳನ್ನು ಹೇಳಿಕೊಳ್ಳುವ ಸಮಯ. ಪ್ರಜಾಪ್ರಭುತ್ವದಲ್ಲಿ ಇದೆಲ್ಲವೂ ಸಹಜವೇ. ನಮ್ಮವರೇ ನಮ್ಮನ್ನು ಆಳುವ ಸಂದರ್ಭದಲ್ಲಿ […]

‘ಬಡವ’ರಿಗೆ ಮೀಸಲಾತಿ: ಮೋದಿಯವರ ‘ಗರೀಬಿ ಹಠಾವೋ’ ಕಾರ್ಯಕ್ರಮ!

-ಡಿ.ಎಸ್.ನಾಗಭೂಷಣ

ಕಳೆದ ಸಂಚಿಕೆಯಲ್ಲಿ ಆರ್ಥಿಕತೆ ಆಧಾರದ ಮೀಸಲಾತಿಯ ಸಾಂವಿಧಾನಿಕ ಮಾನ್ಯತೆ ಕುರಿತು ಕಾನೂನು ಕಾಲೇಜಿನ ಹಿರಿಯ ಸಹಾಯಕ ಪ್ರಾಧ್ಯಾಪಕ ಡಾ.ಎನ್.ಸತೀಶ್‍ಗೌಡ ಅವರು ವಿಶ್ಲೇಷಿಸಿದ್ದರು. ಚರ್ಚೆಯ ಮುಂದುವರಿದ ಭಾಗವಾಗಿ ಹೆಸರಾಂತ ಸಮಾಜವಾದಿ ಚಿಂತಕ ಡಿ.ಎಸ್.ನಾಗಭೂಷಣ ಅವರು ಇಲ್ಲಿ ತಮ್ಮ ವಿಚಾರ ಮಂಡಿಸಿದ್ದಾರೆ. ನರೇಂದ್ರಮೋದಿ ನೇತೃತ್ವದ ಕೇಂದ್ರ ಸರ್ಕಾರವು ಮೀಸಲಾತಿ ವ್ಯಾಪ್ತಿಗೆ ಸೇರದ (ಮೇಲ್ಜಾತಿಗಳ) ಬಡ ಎಂದು ಅದು ಹೇಳುವ ವರ್ಗಗಳಿಗೆ ಶಿಕ್ಷಣ ಮತ್ತು ಉದ್ಯೋಗಾವಕಾಶಗಳಲ್ಲಿ ಮೀಸಲಾತಿ ಕಲ್ಪಿಸುವ ಅವಸರದ ಹೆಜ್ಜೆ ಇಟ್ಟಿದೆ. ಇದಕ್ಕಾಗಿ ಮುಂದಿನ ಲೋಕಸಭಾ ಚುನಾವಣೆಗಳ ಎರಡೂವರೆ ತಿಂಗಳ […]

ಮಿಲ್ಲರ್ ವರದಿಗೆ 100 ವರ್ಷ

-ಪ್ರೊ.ಜಿ.ಶರಣಪ್ಪ

ಇಂದು ಮುಂದೆ ಬಂದಿರುವ ಜನಾಂಗ, ತಮ್ಮವರ ಹಿಂದಿನ ದುರಂತಮಯ ಮಟ್ಟವನ್ನು ತಿಳಿದುಕೊಳ್ಳಲು ಸರ್ ಲೆಸ್ಲಿ ಮಿಲ್ಲರ್ ವರದಿಯನ್ನು ಓದುವುದು ಸೂಕ್ತ. ಹೀಗೆ ಓದುವುದರಿಂದ ತಮ್ಮ ಹಿಂದಿನ ಜನಾಂಗದ ಅವಸ್ಥೆ ಅರ್ಥವಾಗುತ್ತದೆ. ಕೊನೆಯ ಪಕ್ಷ ಇಂದು ಮೀಸಲಾತಿ ಇಲ್ಲದವರನ್ನು ಕಂಡಾಗ ಅವರ ಬಗ್ಗೆ ಇರಿಸಿಕೊಂಡಿರುವ ಧಿಮಾಕಿನ ಪ್ರಮಾಣ ಕಡಿಮೆ ಆದರೂ ಆಗುತ್ತದೆ. ಮಹಾರಾಜ ನಾಲ್ವಡಿ ಕೃಷ್ಣರಾಜ ಒಡೆಯರ್ ಅವರು ಹಿಂದುಳಿದವರ ಏಳ್ಗೆಗೆ ರಚಿಸಿದ್ದ ಜಸ್ಟೀಸ್ ಲೆಸ್ಲಿ ಮಿಲ್ಲರ್ ಸಮಿತಿ ವರದಿ ಸಲ್ಲಿಸಿ (1919) ನೂರು ವರ್ಷಗಳಾಗುತ್ತಿವೆ. ಮೈಸೂರು ಮಹಾರಾಜರು […]

ಕರ್ನಾಟಕ ಮತ್ತು ಮಹಾರಾಷ್ಟ್ರ ರೈತ ಚಳವಳಿಗಳ ವೈರುಧ್ಯಗಳು

-ಮುಜಾಫರ್ ಅಸ್ಸಾದಿ

ರೈತ ಚಳವಳಿಗಳ ಕಾಲ ಮುಗಿಯಿತೇ? ಅಥವಾ ಅವು ಸೋತುಹೋದವೇ? ಚಳವಳಿಗಳಿಗೆ ಕೆಲವು ಸಂದರ್ಭದಲ್ಲಿ ಹಿನ್ನಡೆಯಾದದ್ದು ಸತ್ಯ. ಅವು ರೈತರ ಆತ್ಮಹತ್ಯೆಯನ್ನು ತಡೆಯಲು ವಿಫಲವಾದದ್ದು ದಿಟ. ಆದರೆ ಚಳವಳಿಗಳ ಕಾಲ ಮುಗಿದಿಲ್ಲ. ರೈತ ಚಳವಳಿಗಳ ಬಗ್ಗೆ ಶಾಸ್ತ್ರೀಯ ಚರ್ಚೆಗಳು ಆರಂಭಗೊಂಡದ್ದು 1990ರ ದಶಕದಲ್ಲಿ. ಅಷ್ಟರ ತನಕ ಇದು ಮಾಧ್ಯಮಗಳಲ್ಲಿ ಮಾತ್ರ ಚರ್ಚೆಯಾಗುತ್ತಿತ್ತು. ಈ ಚರ್ಚೆಗಳಲ್ಲಿ ಹೆಚ್ಚು ಒತ್ತು ಸಿಗುತ್ತಿದ್ದದ್ದು ಮಹಾರಾಷ್ಟ್ರ ಮತ್ತು ಉತ್ತರ ಪ್ರದೇಶದ ತಿಕಾಯತ್‍ರವರ ಚಳವಳಿಗಳಿಗೆ. ಕರ್ನಾಟಕ ಮತ್ತು ತಮಿಳುನಾಡು ಇದಕ್ಕೆ ಅಪವಾದಗಳಾಗಿದ್ದವು. ಮಹಾರಾಷ್ಟ್ರ ಚಳವಳಿ ಚರ್ಚೆಯ […]

ನಮ್ಮ-ಬಗ್ಗೆ

ಏಕೆ ಸಮಾಜಮುಖಿ ಪತ್ರಿಕೆ         ಪತ್ರಿಕೆಯ ಧ್ಯಯೋದ್ದೇಶಗಳು          ಪತ್ರಿಕೆಯ ಸಂಪಾದಕರು ಮತ್ತು ಸಂಪಾದಕೀಯರ ಬಳಗ            ಪತ್ರಿಕೆಯ ವಿಳಾಸ        ಪತ್ರಿಕೆಯ ಆನ್ಲೈನ್ ಚಂದಾ ಬುಕ 

ಭಾಷೆ ಬೇರ್ಪಡಿಸದಿರಲಿ

- ಸಾರಾ ಅಬೂಬಕ್ಕರ

ಬೆಸೆಯುವ ಭಾಷೆ ಬೇರ್ಪಡಿಸದಿರಲಿ ಕನ್ನಡವೆಂದರೆ ಅಸ್ಮಿತೆ, ಕನ್ನಡವೆಂದರೆ ಅನನ್ಯತೆ, ಕನ್ನಡವೆಂದರೆ ಆದ್ಯತೆ ಎಂದೆಲ್ಲಾ ಹೇಳಲಾಗುತ್ತದೆ. ಆದರೆ ಇಂದು ಕರ್ನಾಟಕದಲ್ಲಿ ಕನ್ನಡ ಭಾಷೆ ಉಳಿಯುತ್ತದೆಯೇ ಎಂಬ ಪ್ರಶ್ನೆ ನಮ್ಮನ್ನು ಕಾಡುತ್ತದೆ. ಬೆಂಗಳೂರಿ ನಲ್ಲಿ ಕನ್ನಡ ಭಾಷೆಯನ್ನು ಹುಡುಕುವ ಪರಿಸ್ಥಿತಿ ಇದೆಯೆನ್ನಲಾಗುತ್ತಿದೆ. ಮಂಗಳೂರಿನಲ್ಲಿ ಪರಿಸ್ಥಿತಿ ಅಷ್ಟು ಕೆಟ್ಟಿಲ್ಲವಾದರೂ ಉತ್ತಮವಾಗಿಯೇನೂ ಇಲ್ಲ. ಲಿಪಿ ಇಲ್ಲದ ಕೆಲವು ಭಾಷೆಗಳು ಮಂಗಳೂರಿನಲ್ಲಿರುವುದರಿಂದ ಹಾಗೂ ಆ ಭಾಷೆಗಳಲ್ಲಿ ಸಾಹಿತ್ಯ ಅಕಾಡೆಮಿಗಳಿರುವುದರಿಂದ ಈ ಲಿಪಿಯನ್ನು ಜನರು ಮರೆಯಲಾರರು. ಆದರೆ ಕನ್ನಡ ಭಾಷೆಯ ಸಾಹಿತ್ಯದ ಕುರಿತು ಚಿಂತಿಸುವಾಗ ಈ […]

ಆರ್ ಬಿಐ ‘ಅನ್-ರಿಸರ್ವಡ್’ ಆಗಬೇಕು

- ಪುರುಷೋತ್ತಮ

 ಆರ್ ಬಿಐ  ‘ಅನ್-ರಿಸರ್ವಡ್’ ಆಗಬೇಕು <p><sub>  - ಪುರುಷೋತ್ತಮ </sub></p>

ಸದ್ಯಕ್ಕೆ ಆರ್ಬಿಐ ಕೇಂದ್ರ ಸರ್ಕಾರಕ್ಕೆ ಮಣಿದಂತೆ ಕಾಣುತ್ತಿದೆಯಾದರೂ ಮುಂದಿನ ದಿನಗಳಲ್ಲಿ ಆರ್ಬಿಐ ತೆಗೆದುಕೊಳ್ಳುವ ನಿರ್ಧಾರಗಳಿಂದ ಈ ಸಮಸ್ಯೆ ಬಗೆಹರಿದಿದೆಯೋ ಇಲ್ಲವೋ ಎಂದು ತಿಳಿಯಬೇಕಿದೆ. ಕೇಂದ್ರ ಸರ್ಕಾರಕ್ಕೆ ಎಲ್ಲ ಸ್ವಾಯತ್ತ ಸಂಸ್ಥೆಗಳೊಡನೆ ಒಂದಲ್ಲಾ ಒಂದು ತೊಂದರೆಯಿರುವಂತಿದೆ. ತೊಂದರೆಯಿರುವುದು ತನ್ನಿಂದ ತಾನೇ ಒಳ್ಳೆಯದೂ ಅಲ್ಲ ಕೆಟ್ಟದೂ ಅಲ್ಲ. ಕೆಲವೊಮ್ಮೆ ಯಾವುದು ಸರಿಯೋ ಅದಕ್ಕೆ ಪಟ್ಟುಹಿಡಿದು ಕುಳಿತು ಅಥವಾ ಕಾಲುಕೆರೆದು ಜಗಳ ಮಾಡಬೇಕಾಗುತ್ತದೆ. ಇಂತಹ ಸನ್ನವೇಶದಲ್ಲಿಯೇ ಯಾವುದು ಸರಿ, ಯಾವುದು ಸತ್ಯ ಹಾಗೂ ಯಾವುದು ಸೂಕ್ತ ಎಂದು ನಿರ್ಧಾರವಾಗುತ್ತದೆ. ಕೇಂದ್ರ ಸರ್ಕಾರದ […]

ಪಾರ್ಟ್‍ಟೈಮ್ ಉದ್ಯೋಗ ವ್ಯವಸ್ಥೆ

- ವಿನತೆ ಶರ್ಮ

ಉದ್ಯೋಗದಲ್ಲಿ ತೊಡಗಿಕೊಳ್ಳುವ ಸಾಂಪ್ರದಾಯಕ ವ್ಯವಸ್ಥೆಯನ್ನು ಬದಲಾಯಿಸಿ, ಇಪ್ಪತ್ತು, ಮೂವತ್ತು ವಯಸ್ಸಿನ ಹೆಣ್ಣುಗಂಡುಗಳಿಗೆ ತಮ್ಮದೇ ಕುಟುಂಬವನ್ನು ಧ್ಯಾನವಹಿಸಿ, ಮುತುವರ್ಜಿಯಿಂದ, ಹಿರೀಕರ ಸಹಾಯದಿಂದ ಸಲಹುವ ಅವಕಾಶವನ್ನು ಸರಕಾರ, ಉದ್ಯೋಗದಾರರು ಮತ್ತು ಸಮಾಜ ಮಾಡಿಕೊಡಬೇಕು. ಮಹಿಳೆಯರಿಗೆ ಸಿಕ್ಕುವ ಹೆರಿಗೆ ರಜೆಯ ಕಾಲವನ್ನ ಈಗ ಏಳು ವಾರಗಳಿಗೆ ವಿಸ್ತರಿಸಿದ್ದಾರೆ. ಆದರೆ ಈ ಹೊಸ ಕಾನೂನು ಎಲ್ಲಾ ಉದ್ಯೋಗಸ್ಥ ಮಹಿಳೆಯರನ್ನು ತಲುಪುವ ಕಡ್ಡಾಯ ವ್ಯವಸ್ಥೆಯಾಗಬೇಕು. ಹೆಂಗಸರಿಗೆ ಆರು ತಿಂಗಳು ರಜೆ ಸಿಕ್ಕಬೇಕು. ಅಲ್ಲದೆ ಹೊಸದಾಗಿ ಹುಟ್ಟಿದ ಮಗುವಿನ ತಂದೆಗೂ ಸಹ ಕನಿಷ್ಠ ಮೂರು ತಿಂಗಳ […]

ಭ್ರಷ್ಟಾಚಾರ ಕಡಿವಾಣಕ್ಕೆ ಉಪಾಯ

- ಟಿ.ವಿದ್ಯಾಧರ

ಚುನಾವಣಾ ಸಂದರ್ಭದಲ್ಲಿ ಅಭ್ಯರ್ಥಿಗಳ ಪರವಾಗಿ ಚುನಾವಣಾ ಆಯೋಗವೇ ಪ್ರಚಾರ ಮಾಡಬೇಕು ಹಾಗೂ ಪ್ರಚಾರದ ಖರ್ಚನ್ನು ಅಭ್ಯರ್ಥಿಗಳೇ ಭರಿಸಬೇಕು ಜನ ಸಾಮಾನ್ಯರಿಗೆ ಭ್ರಷ್ಟಾಚಾರದ ಕಾಟ ಹೆಚ್ಚಾಗಿ ಪೊಲೀಸ ರಿಂದ, ಸರ್ಕಾರಿ ನೌಕರರಿಂದ ಆಗಿರುತ್ತದೆ. ಯಾಕಂದರೆ ಆರಂಭದಲ್ಲಿ ಈ ನೌಕರರಿಗೆ ಸಂಬಳ ತುಂಬ ಕಡಿಮೆ ಇತ್ತು. ಆದರೆ ಬರಬರುತ್ತಾ ಅತಿದೊಡ್ಡ ಹುದ್ದೆಯಲ್ಲಿರುವವರೂ ಭ್ರಷ್ಟಾಚಾರದಲ್ಲಿ ತೊಡಗಿದರು. ಸಾಲದ್ದಕ್ಕೆ ಹೆಚ್ಚಿನವರು ಭ್ರಷ್ಟಾಚಾರ ಮಾರ್ಗವೇ ಉತ್ತಮ ಎಂಬ ನಂಬಿಕೆಯಿಂದ ರಾಜಕೀಯಕ್ಕೆ ಧುಮುಕುತ್ತಾರೆ. ಸರಸ್ವತಿಯನ್ನು ಒಲಿಸಿಕೊಳ್ಳಲಾಗದವರು ಶಾಲೆ, ಕಾಲೇಜಿನಲ್ಲೇ ನಾಯಕರಾಗಿ ಮುಂದೆ ರಾಜಕೀಯ ಸೇರುತ್ತಾರೆ. ಇದು […]

ಸಂವಿಧಾನ ಬದಲಾದರೆ ತಪ್ಪೇನು?

- ರವಿ ಹಂಜ್

ಎಲ್ಲ ಮಹಾನ್ ಚಿಂತನೆಗಳು, ಆವಿಷ್ಕಾರಗಳು ಆರಂಭದಲ್ಲಿ ಅಸಂಬದ್ಧ ಹಾಗೂ ಹಾಸ್ಯಾಸ್ಪದ ಎನ್ನಿಸುತ್ತವೆ. ಇದು ಭೂಮಿ ದುಂಡಾಗಿದೆ ಎಂದ ಗೆಲೆಲಿಯೋನಿಂದ ಹಿಡಿದು ಇಂದಿನ ವಿಡಿಯೋ ಪೂನುಗಳ ಆವಿಷ್ಕಾರದವರೆಗೆ ಎಲ್ಲವೂ ಒಂದೊಮ್ಮೆ ಅಸಂಬದ್ಧವೆನಿಸಿತ್ತು. ಆದರೆ ನವ್ಯ ಭಾರತದಲ್ಲಿ ದಿಟವಾದ ಹತ್ತು ಹಲವಾರು ಅಸಂಬದ್ಧತೆಗಳು ಜನಪರ ಹೋರಾಟ, ಕಾನೂನು, ಶಾಸನಗಳಾಗುತ್ತ ಇಡೀ ದೇಶವನ್ನೇ ಅಸಂಬದ್ಧ ಅತಾರ್ಕಿಕ ಹುಚ್ಚಾಸ್ಪತ್ರೆ ಎನಿಸಿಬಿಡುತ್ತಿವೆ. ಉದಾಹರಣೆಗೆ ಸದ್ಯದ ಸಂಗತಿಗಳನ್ನು ಗಮನಿಸೋಣ. ಸಂಪರ್ಕ ವ್ಯವಸ್ಥೆ: ವಾಹನಗಳ ನೋಂದಣೆಯ ಭಾಗವಾಗಿ ಆಜೀವಪರ್ಯಂತ ರಸ್ತೆ ತೆರಿಗೆ ಕಟ್ಟಿದ್ದರೂ ರಸ್ತೆಗಳಿಗೆ ಟೋಲು ಹಾಕುವ […]

ಮಗಳನ್ನು ಶಾಲೆ ಬಿಡಿಸಿದರೆ ಹೇಗೆ?

- ಗುರುಪ್ರಸಾದ ಕುರ್ತಕೋಟಿ

 ಮಗಳನ್ನು ಶಾಲೆ ಬಿಡಿಸಿದರೆ ಹೇಗೆ? <p><sub> - ಗುರುಪ್ರಸಾದ ಕುರ್ತಕೋಟಿ </sub></p>

ಕಳೆದ ವರ್ಷದಿಂದ ಮಗಳಿಗೆ ಶಾಲೆ ಬಿಡಿಸಿಬಿಡಲೇ ಎಂಬ ಯೋಚನೆ ಬಲವಾಗಿ ಮೂಡತೊಡಗಿದೆ. ಅದಕ್ಕೆ ಕಾರಣಗಳು ಒಂದೇ ಎರಡೇ…? ಅಮೆರಿಕೆಯ ಶಾಲೆಯಲ್ಲಿ ಮಗಳು ಕಲಿಯುತ್ತಿದ್ದಾಗ ಯಾವಾಗಲೂ ಒಂದು ಆತಂಕವಿರುತ್ತಿತ್ತು. ಅವಳು ಅಲ್ಲಿ ಪಾಠಕ್ಕಿಂತ ಇನ್ನೂ ಏನೇನು ಕಲಿತುಬಿಡುವಳೋ ಅಂತ. ಅಲ್ಲಿನವರು ಬಳಸುವ ಕೆಟ್ಟ ಶಬ್ದಗಳು, ಅವರ ಸ್ವೇಚ್ಛೆ ನೋಡಿದ್ದೇ ಆ ಹೆದರಿಕೆಗೆ ಕಾರಣವಿದ್ದಿರಬಹುದು. ಅಲ್ಲಿಂದ ತಪ್ಪಿಸಿಕೊಂಡು ಭಾರತಕ್ಕೆ ಬಂದಾಗ ನಿರಾಳನಾಗಿದ್ದೆ. ಇಲ್ಲಿ ಶಾಲೆ ಶುರುವಾಗಿ ನಿಧಾನವಾಗಿ ಭಾರತೀಯ ಶಿಕ್ಷಣ ವ್ಯವಸ್ಥೆಗೆ ಮಗಳು ಹೊಂದಿಕೊಳ್ಳುವ ಪ್ರಯತ್ನದಲ್ಲಿದ್ದಳು. ಅಲ್ಲಿ ಪರೀಕ್ಷೆಗಳೇ ಇರಲಿಲ್ಲ, […]

ಸರ್ಕಾರಿ ಆಸ್ಪತ್ರೆ ಹರಾಜು ಹಾಕಿ

ಸರ್ಕಾರಿ ಆಸ್ಪತ್ರೆಗಳನ್ನು ನಡೆಸುವ ಹಕ್ಕನ್ನು ಪ್ರತಿ ವರ್ಷ ಹರಾಜು ಹಾಕಿ ಸರ್ಕಾರಿ-ಖಾಸಗಿ ವೈದ್ಯರಿಗೆ ನಡೆಸಲು ಬಿಡಬಾರದೇಕೆ? ಸರ್ಕಾರಿ ಆಸ್ಪತ್ರೆ ಹರಾಜು ಹಾಕಿ ಪ್ರತಿ ವರ್ಷ ಕರ್ನಾಟಕದ ಸರ್ಕಾರಿ ಆರೋಗ್ಯ ವ್ಯವಸ್ಥೆಯನ್ನು ನಡೆಸಲು ರೂ.10,000 ಕೋಟಿಗೂ ಮಿಗಿಲಾಗಿ ನಾವು ಖರ್ಚು ಮಾಡುತ್ತೇವೆ. ಆದರೂ ಈ ಸರ್ಕಾರಿ ಆಸ್ಪತ್ರೆಗಳಿಂದ ಹಾಗೂ ಆರೋಗ್ಯ ಕೇಂದ್ರಗಳಿಂದ ಜನರಿಗೆ ಸಿಗುತ್ತಿರುವ ಸೌಲಭ್ಯಗಳು ಅಷ್ಟರಲ್ಲಿಯೇ ಇವೆ. ಜನಸಾಮಾನ್ಯರು ಖಾಸಗಿ ಆಸ್ಪತ್ರೆ ಹಾಗೂ ಕ್ಲಿನಿಕ್‍ಗಳ ವೈದ್ಯರನ್ನೇ ಬಹುತೇಕ ನೆಚ್ಚಿಕೊಂಡಿದ್ದಾರೆ. ಔಷಧಿಗಂತೂ ಬಹುತೇಕ ಖಾಸಗಿ ಪೂರೈಕೆಯ ಅಂಗಡಿಗಳನ್ನೇ ನಮ್ಮವರು […]

ಭೂಪರಿವರ್ತನೆಗೆ ನಿರ್ಬಂಧ ಏಕೆ?

ಕರ್ನಾಟಕದ ಯಾವುದೇ ಕೃಷಿ ಭೂಮಿಯನ್ನು ವಸತಿ ಹಾಗೂ ವಾಣಿಜ್ಯ ಬಳಕೆಗೆ ಅನುಮತಿ ನೀಡಿ ಬಳಕೆ ಯೋಗ್ಯ ಭೂಮಿಯ ಕೃತಕ ಕೊರತೆಯನ್ನು ನೀಗಿಸಬಾರದೇಕೆ? ಭೂಪರಿವರ್ತನೆಗೆ ನಿರ್ಬಂಧ ಬೇಕಿಲ್ಲ ಕರ್ನಾಟಕ ಸರ್ಕಾರ ಉದ್ಯಮಶೀಲತೆ, ಕೈಗಾರಿಕೆ ಹಾಗೂ ವಾಣಿಜ್ಯ ಸಂಸ್ಥೆಗಳಿಗೆ ಉತ್ತೇಜನ ನೀಡಲು ‘ಕೈಗಾರಿಕೆ ಮತ್ತು ಹೂಡಿಕೆ ನೀತಿ’ಯನ್ನೇ ಹೊಂದಿದೆ. ಒಮ್ಮೊಮ್ಮೆ ಗ್ಲೋಬಲ್ ಇನ್ವೆಸ್ಟರ್ಸ್ ಮೀಟ್‍ಗಳನ್ನೂ ನಡೆಸುತ್ತದೆ. ಕೈಗಾರಿಕೆಗಳಿಗೆ ಸಹಾಯ ಮಾಡಲು ‘ಉದ್ಯೋಗಮಿತ್ರ’ದ ಮೊದಲಾಗಿ ಹಲವಾರು ನಿಗಮ ಮಂಡಳಿಗಳಿವೆ. ಪದೇಪದೇ ಹೈಲೆವಲ್ ಕಮಿಟಿ ಮತ್ತು ಸಿಂಗಲ್ ವಿಂಡೋ ಏಜೆನ್ಸಿಯ ಸಭೆಗಳನ್ನು ನಡೆಸಿ […]

ಸಂಪೂರ್ಣ ಉಚಿತ ಸಾರಿಗೆ

ಖಾಸಗಿ ವಾಹನಗಳ ಮೇಲಿನ ತೆರಿಗೆಯನ್ನು ದುಪ್ಪಟ್ಟುಗೊಳಿಸಿ, ಸಾರ್ವಜನಿಕ ಸಾರಿಗೆಯನ್ನು ಸಂಪೂರ್ಣವಾಗಿ ಉಚಿತ ಮಾಡಬಾರದೇಕೆ? ಸಂಪೂರ್ಣ ಉಚಿತ ಸಾರಿಗೆ ಪ್ರಪಂಚದಾದ್ಯಂತ ಸಾರ್ವಜನಿಕ ಸಾರಿಗೆ ಹಳಿಗಳ ಮೇಲೆ ಓಡುತ್ತಿದೆ. ವಿಶ್ವದ ಯಾವುದೇ ಮುಖ್ಯ ನಗರದಲ್ಲಿ ಮೆಟ್ರೋ, ಮಾನೋ, ಎಲಿವೇಟೆಡ್ ಕಾರಿಡಾರ್ ಹಾಗೂ ಪೂರಕ ಬಸ್ ವ್ಯವಸ್ಥೆಯ ಆಧಾರದಲ್ಲಿ ಜನಜೀವನ ಅವಲಂಬಿತವಾಗಿವೆ. ಆದರೆ ಇದಕ್ಕೆ ವ್ಯತಿರಿಕ್ತವಾಗಿ ಭಾರತದಲ್ಲಿ ಮಾತ್ರ ಸಾರ್ವಜನಿಕ ಸಾರಿಗೆ ಖಾಸಗಿ ವಾಹನಗಳಲ್ಲಿಯೇ ಸಂಚರಿಸುವ ಕೆಟ್ಟ ಪದ್ಧತಿ ಬೆಳೆದು ಬಂದಿದೆ. ಇದಕ್ಕೆ ಕಾರಣಗಳು ಹಲವು: ಮೊದಲನೆಯದಾಗಿ ಕಳೆದ 2-3 ದಶಕಗಳಿಂದ […]

ಪಂಡಿತರ ದಾರಿಯಲ್ಲಿ ಅನುಸಂಧಾನ

-ಡಾ. ರಾಜೇಗೌಡ ಹೂಸಹಳ್ಳಿ

ರಾಜಸೂಯ ಯಾಗಕ್ಕೆ ತಯಾರಿ ಮಾಡುವಾಗ ಹಿಮಾಲಯ ಬೆಟ್ಟ ಸಾಲಿನ ಕಣಿವೆ ಜಂಬೂ ನದಿ ತೀರದ ಬಂಗಾರದ ನಿಕ್ಷೇಪಗಳನ್ನು ಎತ್ತಿ ತಂದು ಬೆಟ್ಟದಂತೆ ರಾಶಿ ಮಾಡಿ ಘಟೋತ್ಕಜನ ಸೈನ್ಯದೊಂದಿಗೆ ಅರ್ಜುನ ಸಾಗಿಸುವುದನ್ನು ಪಂಪ ನಿಸರ್ಗ ಹರಣದ ನಮ್ಮ ವರ್ತಮಾನದ ಸೂಕ್ಷ್ಮಗಳನ್ನೆಲ್ಲ ಅಂದೇ ಹೇಳಿಬಿಟ್ಟಿದ್ದಾನೆ. ಇದು ಇಂದಿನ ಗಣಿ ಹಾಗೂ ಅರಣ್ಯ ಲೂಟಿಗೆ ಭವಿಷ್ಯ ನುಡಿದಂತಿದೆ. ಕನ್ನಡದ ಆದಿಮಹಾಕವಿ ಸ್ವಾಭಿಮಾನದಿಂದ ‘ಮುನ್ನಿನ ಕಬ್ಬ ಮನೆಲ್ಲಮಿಕ್ಕಿ ಮೆಟ್ಟಿದುವು ಸಮಸ್ತ ಭಾರತಮುಮಾದಿ ಪುರಾಣ ಮಹಾಪ್ರಬಂಧಮುಂ’ ಎಂಬ ಮಾತನ್ನು ಹಾಗೂ ತನ್ನ ಸ್ವವಿವರಗಳನ್ನು ತನ್ನ […]

ಹ್ಯೂಯೆನ್ ತ್ಸಾಂಗನ ಮಹಾಪಯಣ

-ಕೆ.ಪುಟ್ಟಸ್ವಾಮಿ

ಹುಯೆನ್ ತ್ಸಾಂಗ್‍ನ ಜೀವನವನ್ನು ಅರಿಯಲು ಆತನ ಬಗ್ಗೆ ಲಭ್ಯವಿರುವ ಸಂಶೋಧನೆಗಳು, ಪುಸ್ತಕಗಳನ್ನು ಬೆನ್ನುಹತ್ತುವ ಲೇಖಕರು ಕಡು ವ್ಯಾಮೋಹದಿಂದ ಅಧ್ಯಯನ ನಡೆಸಿದ ಫಲವೇ ಈ ಕೃತಿ. ತ್ಸಾಂಗನ ಬದುಕು, ಯಾತ್ರೆ ಮತ್ತು ಸಾಧನೆಗಳನ್ನು ದಾಖಲಿಸಿ ಆ ಮೂಲಕ ಭಾರತದ ಚರಿತ್ರೆ ಮತ್ತು ಚೀನಾ-ಭಾರತದ ನಡುವಿನ ಸಂಸ್ಕೃತಿಕ ಸಂಬಂಧಗಳನ್ನು ಈ ಕೃತಿ ಅನಾವರಣಗೊಳಿಸುತ್ತದೆ. ತನ್ನ ನೆಲೆಯಿಂದ ಆಚೆಗಿನ ಹುಡುಕಾಟ, ಸಾಹಸ ಸ್ವಭಾವ ನಾಗರಿಕ ಮನುಷ್ಯನಿಗೆ ಆರಂಭದಿಂದಲೂ ಸಹಜ ಹವ್ಯಾಸವಾಗಿತ್ತೆಂದು ಕಾಣುತ್ತದೆ, ತನ್ನ ಊರಿಂದ ಆಚೆಗೆ, ತನ್ನ ನದಿಯ ಆಚೆಗೆ, ತನ್ನ […]

ವಿಶ್ವವಿದ್ಯಾನಿಲಯಗಳನ್ನು ಮಾರಿಬಿಡಿ

ಜಿಲ್ಲೆಗೊಂದರಂತೆ ತಲೆಯೆತ್ತಿರುವ ಕರ್ನಾಟಕದ ಸರ್ಕಾರಿ ವಿಶ್ವವಿದ್ಯಾನಿಲಯಗಳು ಅಕ್ಷರಶಃ ಬಿಳಿಯಾನೆಗಳಾಗಿವೆ. ಇವುಗಳನ್ನು ಸಾಕಲೂ ಆಗದೆ, ಕಾಡಿಗೆ ಅಟ್ಟಲೂ ಆಗದೆ, ಕರ್ನಾಟಕ ಸರ್ಕಾರ ಇಕ್ಕಟ್ಟಿನ ಪರಿಸ್ಥಿತಿಗೆ ಸಿಕ್ಕಿಹಾಕಿಕೊಂಡಿದೆ. ರಾಜಕೀಯ ಒತ್ತಡಕ್ಕೆ ಒಳಗಾಗಿ ರಾಜ್ಯಾದ್ಯಂತ ಸರ್ಕಾರಿ ವಿಶ್ವವಿದ್ಯಾನಿಲಯಗಳನ್ನು ತೆರೆಯಲಾಗಿವೆ. ರಾಜ್ಯದ ಪ್ರತಿಯೊಂದು ಜಿಲ್ಲೆ ಹಾಗೂ ಹಲವು ತಾಲ್ಲೂಕು ಕೇಂದ್ರಗಳಲ್ಲಿ ಸ್ನಾತಕೋತ್ತರ ಶಾಖೆಗಳನ್ನು ತೆರೆಯಲಾಗಿದೆ. ಆದರೆ ಈ ಯಾವುದೇ ವಿಶ್ವವಿದ್ಯಾನಿಲಯಗಳಲ್ಲಿ ಪ್ರಾಧ್ಯಾಪಕರಿರಲಿ, ಅಧ್ಯಾಪಕರೂ ಇಲ್ಲ. ಬಹುತೇಕ ಗುತ್ತಿಗೆ ಆಧಾರದ ಮೇಲೆ ತೆಗೆದುಕೊಂಡಿರುವ ಅರೆಕಾಲಿಕ ಉಪನ್ಯಾಸಕರಿಂದ ಈ ವಿವಿಗಳು ಶಿಕ್ಷಣ ಬೋಧಿಸುತ್ತಿವೆ. ಶಿಕ್ಷಕೇತರ ಸಿಬ್ಬಂದಿಯಂತೂ […]

ಕತ್ತಿನಾಚೆ ಈಚೆ ಭುಜಗಳೇ ಇಲ್ಲ…

- ಸುರೇಶ ಎಲ್. ರಾಜಮಾನೆ

 ಕತ್ತಿನಾಚೆ ಈಚೆ ಭುಜಗಳೇ ಇಲ್ಲ… <p><sub> -  ಸುರೇಶ ಎಲ್. ರಾಜಮಾನೆ </sub></p>

ಮೊಂಡಾದ ಕಡ್ಡಿಗಳ ಕಸಬರಿಗೆಯ ಮುಂದೆ ಅವಳು ತನ್ನೆಲ್ಲ ಕಷ್ಟಗಳನ್ನು ಹೇಳಿಕೊಳ್ಳುತ್ತಿದ್ದಾಳೆ ಮಕ್ರ್ಯೂರಿ ಲೈಟಿನ ಕೆಳಗೆ ಮೈ ಉರಿಯ ತಣ್ಣಗಾಗಿಸಿಕೊಳ್ಳಲು ಪರಿತಪಿಸುತ್ತಿದ್ದಾಳೆ ಬೆವರನ್ನು ಬೆಚ್ಚಗಾಗಿಸಿಕೊಂಡು ಒಂದೇ ಸವನೆ ಒಳಕೋಣೆಯಲಿ ಒದ್ದಾಡುತ್ತಿದ್ದಾಳೆ… ದಿನಸಿ ಅಂಗಡಿಗೆ ಹೋಗಿ ದಿವಸಕ್ಕಾಗುವಷ್ಟು ಅಕ್ಕಿ ಕಾಳುಗಳ ಮೂಟೆ ಹೊತ್ತು ತಂದಳು ಒಲೆಯಲಿ ಕೆಂಡ ನಗುತ್ತಿರುವುದನ್ನು ಗಮನಿಸಿ ಒಂದೆರಡು ದೀರ್ಘ ಉಸಿರನ್ನು ಹೊರಹಾಕಿದಳು ಸಮಾಧಾನದ ಸಾರಿಗೆ ಹಸಿಬಿಸಿ ಅನ್ನ ಬೆರೆತುಕೊಂಡು ಬಾಯಿಗಿಳಿಯಿತು ಭಾರವಾದ ಎದೆಯಲಿ ಬಾಗಿಲಿಗೆ ಚಿಲಕ ಬಿದ್ದಿತು. ಚುಚ್ಚಿದ ಮುಳ್ಳುಗಳು ಅವಳ ಪರವಾಗಿ ಧರಣಿ ಕುಳಿತಿವೆ […]