ವಿಶೇಷ ಸಂದರ್ಭದ ವಿಶಿಷ್ಟ ಶಿಶು!

-ಡಾ.ಬಿ.ಎಲ್.ಶಂಕರ್

 ವಿಶೇಷ ಸಂದರ್ಭದ ವಿಶಿಷ್ಟ ಶಿಶು! <p><sub> -ಡಾ.ಬಿ.ಎಲ್.ಶಂಕರ್ </sub></p>

‘ಬದಲಾವಣೆಯೇ ಶಾಶ್ವತ’ –ಇದು ರೂಢಿಗತ ನುಡಿ. ಜೊತೆಗೆ, ಸತ್ಯವೂ ಕೂಡಾ. ಈಗಂತೂ ವೈಜ್ಞಾನಿಕ ಸಂಶೋಧನೆಗಳ ಫಲರೂಪವಾದ ವಿಪರೀತ ಆಯ್ಕೆಗಳು ಬೇರೆ. ಪರಿಸ್ಥಿತಿ ಹೀಗಿರುವಾಗ ‘ಶಾಶ್ವತ’ ಪದಕ್ಕೆ ನೆಲೆಯೆಲ್ಲಿ? ‘ಅಕ್ಷರ’ ಎಂದರೆ ಶಾಶ್ವತ ಎಂದರ್ಥ. ಅಕ್ಷರ ಜ್ಞಾನವೇ ಶಿಕ್ಷಣ. ಅಕ್ಷರವೇ ಶಾಶ್ವತವಾಗಿರಬೇಕೇ ವಿನಾ ಶಿಕ್ಷಣ ವಿಧಾನ ಶಾಶ್ವತವಾಗಿರಬಾರದು. ಹಿಂದಿನ ವಿಧಾನಕ್ಕಿಂತ ಶ್ರೇಷ್ಠ ವಿಧಾನದ ಅನ್ವೇಷಣೆಯಾಗಬೇಕಲ್ಲದೆ, ಸಂಪೂರ್ಣ ರೂಪಾಂತರ ಉಚಿತವಲ್ಲ. ಭಾರತೀಯ ಶಿಕ್ಷಣಪದ್ಧತಿ ವಿಶ್ವದಲ್ಲೇ ಹೆಸರುವಾಸಿಯಾಗಿತ್ತು. ಮಕ್ಕಳ ಬೌದ್ಧಿಕ, ಮಾನಸಿಕ, ಅಧ್ಯಾತ್ಮಿಕ ವಿಕಾಸಕ್ಕೆ ಪೂರಕವಾದ ಶಿಕ್ಷಣ ಪದ್ಧತಿ ಆಚರಣೆಯಲ್ಲಿತ್ತು. ಮಕ್ಕಳ […]

ಕ್ರಾಂತಿಯೇ ಅಲ್ಲದ ಆನ್ ಲೈನ್ ಕ್ರಾಂತಿ!

-ರಾಜೇಂದ್ರ ಚೆನ್ನಿ

 ಕ್ರಾಂತಿಯೇ ಅಲ್ಲದ ಆನ್ ಲೈನ್ ಕ್ರಾಂತಿ! <p><sub> -ರಾಜೇಂದ್ರ ಚೆನ್ನಿ </sub></p>

ಕೊರೊನಾ ವೈರಾಣು ಆಗಲೇ ಮಾರುಕಟ್ಟೆ ಹಾಗೂ ರಾಜಕೀಯ ಶಕ್ತಿಯ ಬೆಂಬಲ ಪಡೆದಿದ್ದ online ಶಿಕ್ಷಣಕ್ಕೆ ಅಪಾರ ವೇಗವನ್ನು ಹಾಗೂ ವಿಸ್ತಾರವನ್ನು ಸೃಷ್ಟಿಸಿದೆಯೇ ಹೊರತು ಅದು ಈ ಪಿಡುಗಿನಿಂದಾಗಿ ಅನಿವಾರ್ಯವಾಗಿ ಹುಟ್ಟಿಕೊಂಡ ಹೊಸ ವಿದ್ಯಮಾನ ಖಂಡಿತ ಅಲ್ಲ. ಒಂದು ಕುತೂಹಲದ ಅಂಶವೆAದರೆ ಅಂತರ್‌ಜಾಲವು ಭಾರತವನ್ನು ಪ್ರವೇಶ ಮಾಡಿದ್ದು ಶಿಕ್ಷಣ ಹಾಗೂ ಸಂಶೋಧನೆಯ ಶಿಕ್ಷಣ ಸಂಸ್ಥೆಗಳ ಮೂಲಕವೆ.  1986ರಲ್ಲಿ Educational Research Network (ERNET) ತಂತ್ರಜ್ಞಾನವನ್ನು ಭಾರತೀಯ ವಿಜ್ಞಾನ ಸಂಸ್ಥೆ, ಐ.ಐ.ಟಿ.ಗಳು ಸಂಶೋಧನೆಗಾಗಿ ಬಳಸಿಕೊಳ್ಳತೊಡಗಿದವು. ಅಲ್ಲಿಂದ 9 ವರ್ಷಗಳ ನಂತರ […]

ನ್ಯಾಯಾಲಯದಲ್ಲಿ ಆನ್‌ಲೈನ್ ಕಲಾಪ ಸಾಧ್ಯವೇ?

-ಶಿವಯೋಗಿ ಸಾಲಿಮಠ

 ನ್ಯಾಯಾಲಯದಲ್ಲಿ ಆನ್‌ಲೈನ್ ಕಲಾಪ ಸಾಧ್ಯವೇ? <p><sub> -ಶಿವಯೋಗಿ ಸಾಲಿಮಠ  </sub></p>

ಆನ್‌ಲೈನ್ ಮೂಲಕ ನ್ಯಾಯಾಲಯದ ಕಾರ್ಯಕಲಾಪ ನಡೆಸಿದಲ್ಲಿ ಅವಸರದ ಪ್ರಕ್ರಿಯೆಯಿಂದ ವ್ಯಾಜ್ಯದಾರರಿಗೆ ಹಾನಿಯಾಗುವುದೇ ಹೆಚ್ಚು. ನ್ಯಾಯಾಲಯದ ಕಾರ್ಯಕಲಾಪಗಳನ್ನು ಆನ್‌ಲೈನ್‌ನಲ್ಲಿ ಯಶಸ್ವಿಯಾಗಿ ನಡೆಸಲು ಸಾಧ್ಯವೇ? ಈಗಿರುವ ಯಾರೂ ನಿರೀಕ್ಷಿಸದ ಅನಿವಾರ್ಯ ಸಂದರ್ಭದಲ್ಲಿ ಈ ಪ್ರಶ್ನೆ ಅಮುಖ್ಯವೆನಿಸಲಾರದು. ಕಳೆದ 38 ವರ್ಷಗಳಿಂದ ವಕೀಲನಾಗಿ ಆಸಕ್ತಿಯಿಂದ ಕಾರ್ಯನಿರ್ವಹಿಸುತ್ತಿರುವ ನನ್ನಂಥವರು ನ್ಯಾಯಾಂಗದಲ್ಲಿ ಸಾಕಷ್ಟು ಬದಲಾವಣೆ, ಸುಧಾರಣೆ, ಅನುಕೂಲತೆ, ಅನಾನುಕೂಲತೆ, ಅನಿವಾರ್ಯತೆ ನೋಡುತ್ತಲೇ ಬಂದಿದ್ದೇವೆ. ನಮ್ಮ ವೃತ್ತಿಯ ಪ್ರಾರಂಭದ ದಿನಗಳಲ್ಲಿ ಇದ್ದ ವ್ಯವಸ್ಥೆಗೂ ಇತ್ತೀಚಿನ ದಿನಗಳಲ್ಲಿಯ ಕಾರ್ಯಕಲಾಪಗಳಿಗೂ ಸಾಕಷ್ಟು ವ್ಯತ್ಯಾಸವಿದೆ. ಅಂದಿನ ದಿನಗಳಲ್ಲಿ ವಾಜ್ಯಗಳು ಪ್ರಾರಂಭವಾಗಿ […]

ಕೊರೊನಾ ಕಾಲದಲ್ಲಿ ಉನ್ನತ ಶಿಕ್ಷಣ

-ಡಾ.ಎನ್.ಎಸ್.ಗುಂಡೂರ

 ಕೊರೊನಾ ಕಾಲದಲ್ಲಿ ಉನ್ನತ ಶಿಕ್ಷಣ <p><sub> -ಡಾ.ಎನ್.ಎಸ್.ಗುಂಡೂರ </sub></p>

ಶಿಕ್ಷಣ ವಲಯದಲ್ಲಿ, ವಿಶೇಷವಾಗಿ ಉನ್ನತ ಶಿಕ್ಷಣದಲ್ಲಿ ಮರುಹೊಂದಾಣಿಕೆ ಹೇಗೆ ರೂಪುಗೊಳ್ಳುತ್ತದೆಂದು ಅವಲೋಕಿಸುತ್ತ, ಇಲ್ಲಿ ಉಂಟಾಗುತ್ತಿರುವ ಸಮಸ್ಯೆ ಹಾಗೂ ಸವಾಲುಗಳ ಕುರಿತು ಆಲೋಚಿಸುವುದು ಈ ಲೇಖನದ ಮುಖ್ಯ ಆಶಯ. ಮನುಕುಲದ ಇತಿಹಾಸದಲ್ಲಿ ಆಗಿಹೋದ ಬೇರೆಲ್ಲ ಸೋಂಕು ರೋಗಗಳಿಗೆ ಹೋಲಿಸಿ ನೋಡಿದರೆ, ಕೊರೊನಾದಿಂದ ಉಂಟಾಗುತ್ತಿರುವ ಸಾವು-ನೋವುಗಳ ಪ್ರಮಾಣ ಕಡಿಮೆ ಎಂದೇ ಹೇಳಬಹುದು. ಆದರೆ ಜಗತ್ತಿನಾದ್ಯಂತ ಏಕಕಾಲಕ್ಕೆ ಕೊರೊನಾ ಉಂಟು ಮಾಡಿರುವ ಪರಿಣಾಮ ಮತ್ತು ಬಿಕ್ಕಟ್ಟು ಇನ್ನುಳಿದ ಯಾವ ವಿದ್ಯಮಾನವು ಮಾಡಿರಲಿಕ್ಕಿಲ್ಲ! ಇಡೀ ಜಗತ್ತನ್ನೇ ಒಂದು ಬಾರಿ ಮೂಗುಹಿಡಿದು ನಿಲ್ಲಿಸಿದಂತಾಗಿದೆ. ಆದಾಗ್ಯೂ […]

ಆನ್‌ಲೈನ್ ಶಿಕ್ಷಣ: ವರವೋ? ಶಾಪವೋ?

-ವೆಂಕಟೇಶ್ ಎಸ್.

 ಆನ್‌ಲೈನ್ ಶಿಕ್ಷಣ:  ವರವೋ? ಶಾಪವೋ? <p><sub> -ವೆಂಕಟೇಶ್ ಎಸ್. </sub></p>

ಕೇಳುಗರಿಗೆ ಉಪಕರಣಗಳು ಬೇಕು, ಹೇಳುವವರಿಗೆ ಪ್ರೋತ್ಸಾಹವೂ ಬೇಕು! ತಂತ್ರಜ್ಞಾನವು ಜಗತ್ತನ್ನು ಒಂದು ಪುಟ್ಟ ಗ್ರಾಮವನ್ನಾಗಿಸುತ್ತಿದೆ. ಇದರಿಂದ ಜಗತ್ತು ಬೆರಳಿನ ತುದಿಯಲ್ಲಿದೆ. ಸಂಶೋಧನಾತ್ಮಕವಾಗಿ ಹೇಳುವುದಾದರೆ ಬಹಳ ಹಿಂದಿನಿಂದ ಸಂಪಾದಿಸಿದ ಜ್ಞಾನಕ್ಕೆ ಹೋಲಿಸಿದರೆ 1700ರಲ್ಲಿ ಜ್ಞಾನ ದ್ವಿಗುಣವಾಯಿತು. 1900ರಲ್ಲಿ ಹಿಂದೆ ಇರುವ ಜ್ಞಾನಕ್ಕೆ ಹೋಲಿಕೆ ಮಾಡಿದರೆ ಮತ್ತೆ ದ್ವಿಗುಣವಾಯಿತು. ಹೊಸ ಅನ್ವೇಷಣೆಯ ಮೂಲಕ 1950ರಲ್ಲಿ ಮತ್ತೆ ಹಿಂದಿನ ಎಲ್ಲಾ ಜ್ಞಾನ ದ್ವಿಗುಣವಾಯಿತು. ಇದು ಮುಂದುವರೆಯುತ್ತಾ ಮುಂದೆ 20 ಅಥವಾ 15 ವರ್ಷಗಳಿಗೊಮ್ಮೆ ಹಿಂದಿನ ಜ್ಞಾನ ದ್ವಿಗುಣಗೊಳ್ಳುತ್ತಾ ಬಂದಿದೆ. ಇದನ್ನು ಗಮನದಲ್ಲಿಟ್ಟುಕೊಂಡು […]

ಅಶಾಶ್ವತದ ಕಡೆಗೆ ಸಾಗಲಿ ಕ್ರಾಂತಿ!

-ಡಾ.ಚಂದ್ರಕಲಾ ಹೆಚ್. ಆರ್.

 ಅಶಾಶ್ವತದ ಕಡೆಗೆ ಸಾಗಲಿ ಕ್ರಾಂತಿ! <p><sub>  -ಡಾ.ಚಂದ್ರಕಲಾ ಹೆಚ್. ಆರ್.                                    </sub></p>

ಸೋಂಕುರೋಗದ ಪೂರ್ವಸ್ಥಿತಿಗೆ, ಸ್ನೇಹ, ಪ್ರೀತಿಯ ಪರಿಸರಕ್ಕೆ, ಎಲ್ಲ ಬಗೆಯ ಸುಂದರಪರಿಸರಕ್ಕೆ ಹಿಮ್ಮರಳುವ ಸುಸಂದರ್ಭ ಒದಗಿಬರುವಂತಾಗಲಿ. ಕೊರೊನಾ ಮಹಾಮಾರಿಗೆ ವಿಶ್ವವೇ ತಲ್ಲಣಿಸುತ್ತಿದ್ದು ಜನಜೀವನದ ಸಮಗ್ರ ಪರಿವರ್ತನೆಗೆ ಕಾರಣವಾಗಿದೆ. ಮುಟ್ಟುವ, ತಟ್ಟುವ, ಕೂಡುವ, ಕಲೆಯುವ, ಸ್ಪರ್ಶನೀತಿಗಳೆಲ್ಲ ಅಂತರದ ಪರಿಧಿಯೊಳಗೆ ನಲುಗಿವೆ. ಈ ಅಂತರವು ಆರೋಗ್ಯ, ಸ್ವಚ್ಛತೆ, ಶಿಸ್ತಿನ ಪಾಠವನ್ನೆ ಕಲಿಸಿದ್ದರೂ, ಪ್ರತಿ ಸಂಬಂಧವನ್ನು ಅಪನಂಬಿಕೆಯ, ಎಚ್ಚರಿಕೆಯ ನೆಲೆಗಳಲ್ಲಿ ಪರಿಭಾವಿಸಿ ಆತ್ಮೀಯತೆಗೆ ಬರಗಾಲ ಬಂದಂತಿದೆ. ಈ ಸಂದರ್ಭವು ಎರಡು ಪ್ರಶ್ನೆಗಳೊಂದಿಗೆ ತೂಗುತ್ತದೆ. ಮುಂಬರುವ ದಿನಗಳೂ ಅಂತರದ ಪರಿಧಿಯೊಳಗೆ ಬದುಕುವ ಅನಿವಾರ್ಯತೆಯನ್ನು ಸೃಷ್ಟಿಸುತ್ತದೆಯೇ? […]

ಬದಲಾವಣೆ ನಿಸರ್ಗದ ನಿಯಮ

-ಬಿ.ಬಿ.ನಾಗನೂರ

ಕೊರೊನಾ ನಂತರದ ಯುಗದಲ್ಲಿ ಅತ್ಯಗತ್ಯ ಸನ್ನಿವೇಶಗಳು ಒದಗಿ ಬಂದಾಗ ಮಾತ್ರ ಆನ್‌ಲೈನ್ ವ್ಯವಸ್ಥೆಯನ್ನು ಉಪಯೋಗಿಸಬೇಕಾಗುತ್ತದೆ. ಕೋವಿಡ್-19 ಸಾಂಕ್ರಾಮಿಕ ರೋಗ ಕಳೆದ ನವೆಂಬರ್ 2019ರಿಂದಲೂ ಪ್ರಪಂಚದ ತುಂಬೆಲ್ಲಾ ನಿಧಾನವಾಗಿ ಹರಡಿ ಕಳೆದ ಮೂರು ತಿಂಗಳಲ್ಲಿ ಸ್ಫೋಟಗೊಳ್ಳುತ್ತಿದ್ದು, ನಮ್ಮ ಸಂವಹನದ ಗುಣಲಕ್ಷಣಗಳಲ್ಲಿ ಬದಲಾವಣೆಯನ್ನುಂಟು ಮಾಡಿದೆ. ನಮ್ಮ ಪಾರಂಪರಿಕ ಪದ್ಧತಿಗಳಲ್ಲಿ ಪರಿವರ್ತನೆ ತಂದು ಮೊಬೈಲ್ ಅಥವಾ ಲ್ಯಾಪ್‌ಟಾಪ್ ಮೂಲಕವೇ ಆನ್‌ಲೈನ್ ಸಂವಹನ ಮಾಡುವ ಅನಿವಾರ್ಯತೆ ಉಂಟಾಗಿದೆ. ಈ ಆನ್‌ಲೈನ್ ಕ್ರಾಂತಿ ಆನ್‌ಲೈನ್ ಶಿಕ್ಷಣ, ವರ್ಕ್ ಫ್ರಮ್ ಹೋಂ, ಜೂಮ್ ಮೀಟಿಂಗ್‌ಗಳು, ವೆಬ್‌ಕಾಸ್ಟ್, […]

ಸಾಂಕ್ರಾಮಿಕ ಸೋಂಕಿನ ಸ್ವಾನುಭವ ಕಥನ

-ಸತ್ಯನಾರಾಯಣರಾವ್ ಅಣತಿ

 ಸಾಂಕ್ರಾಮಿಕ ಸೋಂಕಿನ  ಸ್ವಾನುಭವ ಕಥನ <p><sub> -ಸತ್ಯನಾರಾಯಣರಾವ್ ಅಣತಿ </sub></p>

ನನ್ನ ದೀರ್ಘ ಜೀವನಯಾನದಲ್ಲಿ ಪ್ರಕೃತಿ ವಿಕೋಪದ, ವೈರಸ್ಸುಗಳ ಉಪಟಳವನ್ನು ದಾಟಿ ಮುನ್ನೆಡೆಯುತ್ತಿರುವುದು ಒಂದು ಪವಾಡದಂತೆ ಕಾಣಬಹುದು!   ಬೆಟ್ಟದ ಮೇಲೊಂದು ಮನೆಯ ಮಾಡಿ ಮೃಗಗಳಿಗಂಜಿದೊಡೆಂತಯ್ಯಾ ಸಮುದ್ರದ ತಡಿಯಲ್ಲಿ ಮನೆಯಮಾಡಿ ನೆರೆತೆರೆಗಂಜಿದಡೆಂತಯ್ಯಾ ಸಂತೆಯಲೊಂದು ಮನೆಯ ಮಾಡಿ ಶಬ್ದಕೆ ನಾಚಿದಡೆಂತಯ್ಯ ಬುವಿಯಮೇಲೆ ಹುಟ್ಟಿದ ಬಳಿಕ ಸ್ತುತಿ ನಿಂದೆಗಳು ಬಂದಡೆ ಕೋಪವತಾಳದೆ ಸಮಾಧಾನಿಯಾಗಿರಬೇಕು ಚೆನ್ನಮಲ್ಲಿಕಾರ್ಜುನಯ್ಯಾ ನೀ ಕೇಳಯ್ಯಾ. ಅಕ್ಕನ ಈ ವಚನ ಏನನ್ನು ತಿಳಿಯಹೇಳುತ್ತದೆ: ವಿಶ್ವಮಾರುಕಟ್ಟೆಗೆ ಮಾರುಹೋಗಿ/ ಕೊರೋನಾಗಂಜಿದಡೆಂತಯ್ಯಾ ಎಂಬುದನ್ನು ತಾನೆ? ಮೀಡಿಯಾಗಳ ಬೊಬ್ಬೆಗೆ, ಮಾಧ್ಯಮಗಳ ಅರಚಾಟಕ್ಕೆ ಸರ್ಕಾರಗಳ ಗುರಿಯಿಲ್ಲದ ಪರದಾಟಕ್ಕೆ […]

ಯುಗಾಂತ್ಯ ಕಲ್ಪನೆ ಕಟ್ಟಿಕೊಟ್ಟ ಕಾದಂಬರಿ ದ ಸ್ಕಾರ್ಲೆಟ್ ಪ್ಲೇಗ್

-ಮಂಜುನಾಥ ಡಿ.ಎಸ್.

 ಯುಗಾಂತ್ಯ ಕಲ್ಪನೆ ಕಟ್ಟಿಕೊಟ್ಟ ಕಾದಂಬರಿ ದ ಸ್ಕಾರ್ಲೆಟ್ ಪ್ಲೇಗ್ <p><sub> -ಮಂಜುನಾಥ ಡಿ.ಎಸ್. </sub></p>

ಒಂದು ಶತಮಾನಕ್ಕೂ ಹಿಂದೆ ರಚಿತಗೊಂಡ ಈ ಹೊತ್ತಿಗೆಯಲ್ಲಿ ಮುನ್ನೆಲೆಗೆ ಬಂದಿರುವ ಹಲವಾರು ಚಿಂತನೆಗಳು ಇಂದಿಗೂ ಪ್ರಸ್ತುತ ಎನಿಸುತ್ತವೆ. ‘ವಿಶ್ವ ಸಾಹಿತ್ಯದಲ್ಲಿ ಸಾಂಕ್ರಾಮಿಕ ಪಿಡುಗುಗಳು’ ಸರಣಿಯಲ್ಲಿ ಅಮೆರಿಕದ ಸಾಹಿತಿ ಹಾಗು ಪತ್ರಕರ್ತ ಜಾಕ್ ಲಂಡನ್ ವಿರಚಿತ ‘ದ ಸ್ಕಾರ್ಲೆಟ್ ಪ್ಲೇಗ್’ ಶೀರ್ಷಿಕೆಯ ವಿಶಿಷ್ಟ ಕಾದಂಬರಿಯನ್ನು ಸಹ ಸೇರಿಸಿಕೊಳ್ಳಬಹುದು. ಈ ಕಾಲ್ಪನಿಕ ಕೃತಿ ಮೊದಲು ಪ್ರಕಟಗೊಂಡಿದ್ದು 1912ರಲ್ಲಿ. 2013ರಲ್ಲಿ ಹರಡಿದ ‘ರೆಡ್ ಡೆತ್’ ಹೆಸರಿನ ಕಾಲ್ಪನಿಕ ಪಿಡುಗು ಹೆಚ್ಚೂಕಡಿಮೆ ಇಡೀ ವಿಶ್ವವನ್ನೇ ವಿನಾಶದ ಅಂಚಿಗೆ ದೂಡುತ್ತದೆ. ಇದಾದ 60 ವರ್ಷಗಳ […]

ಅನಿಸಿಕೆಗಳು

ವಲಸಿಗರಿಗೆ ನಗರವೇ ಗತಿ ಪ್ರೊ.ಎಂ.ಎಸ್.ಶ್ರೀರಾಮ್ ಅವರು ವಲಸೆ ಕಾರ್ಮಿಕರ ಸಮಸ್ಯೆಗಳ ಕುರಿತು ಬರೆದಿರುವ ಲೇಖನ ಇಷ್ಟವಾಯಿತು. ಲೇಖಕರು ‘ಸಾಮಾಜಿಕ ಸುರಕ್ಷತೆ’ಯ ಮೇಲೆ ಹೆಚ್ಚು ಒತ್ತು ನೀಡಿದ್ದಾರೆ. ಹಳ್ಳಿಗಳಿಂದ ನಗರಗಳಿಗೆ ಅಥವಾ ನಗರಗಳಿಂದ ಹಳ್ಳಿಗಳಿಗೆ ಕಾರ್ಮಿಕರು ವಲಸೆ ಹೋಗುವುದಕ್ಕೆ ಈ ‘ಸಾಮಾಜಿಕ ಸುರಕ್ಷತೆ’ಯ ಪಾತ್ರ ದೊಡ್ಡದು ಎಂದು ಹೇಳಿದ್ದಾರೆ. ಮುಂದುವರಿದು ‘ಗ್ರಾಮೀಣ ಪ್ರದೇಶದಲ್ಲಿ ಊಟವಿಲ್ಲದಿದ್ದರೂ, ಬಡತನವಿದ್ದರೂ, ಸಾಮಾಜಿಕವಾಗಿ ಜನ ತಮ್ಮನ್ನು ನೋಡಿಕೊಳ್ಳುತ್ತಾರೆ ಎನ್ನುವ ಭರವಸೆಯಿಂದ ಜನ ಸ್ವಂತ ಊರುಗಳಿಗೆ ಮರಳುತ್ತಾರೆ’ ಎಂದು ಗುರುತಿಸಿದ್ದಾರೆ. ಆದರೆ ಈ ‘ಸಾಮಾಜಿಕ ಭರವಸೆ’ […]

ಸಾಂಕ್ರಾಮಿಕ ರೋಗ ಸಂದರ್ಭದ ಸ್ಪಂದನೆ ಎಸ್.ಎಲ್.ಭೈರಪ್ಪ ಮಾದರಿ

-ಡಾ.ಬಿ.ವಿ.ವಸಂತಕುಮಾರ್

 ಸಾಂಕ್ರಾಮಿಕ ರೋಗ ಸಂದರ್ಭದ ಸ್ಪಂದನೆ ಎಸ್.ಎಲ್.ಭೈರಪ್ಪ ಮಾದರಿ <p><sub> -ಡಾ.ಬಿ.ವಿ.ವಸಂತಕುಮಾರ್ </sub></p>

ಎಸ್.ಎಲ್.ಭೈರಪ್ಪ ಅವರನ್ನು ಕನ್ನಡ ಸಾಹಿತ್ಯಲೋಕ ಹೇಗೆ ಕಂಡಿದೆ ಎಂಬ ಚರ್ಚೆ ಸೈದ್ಧಾಂತಿಕವಾಗಿ ಮಹತ್ವದ್ದಾದರೂ ಇಲ್ಲಿ ಅದು ಅಪ್ರಸ್ತುತ. ಆದರೆ ಎಸ್.ಎಲ್.ಭೈರಪ್ಪನವರು ವ್ಯಕ್ತಿಯಾಗಿ ಸಾಹಿತಿಯಾಗಿ ಸಾಂಕ್ರಾಮಿಕ ರೋಗವನ್ನು ಕಂಡಿರುವುದು, ಕಾಣುವಂತೆ ಮಾಡಿರುವುದು ಗಮನಾರ್ಹ. ರೋಗ ವ್ಯಕ್ತಿ ಮತ್ತು ಕುಟುಂಬವನ್ನು ಸಂಕಷ್ಟಕ್ಕೀಡು ಮಾಡಿದರೆ, ಸಾಂಕ್ರಾಮಿಕ ರೋಗ ಇಡೀ ಹಳ್ಳಿ, ಸಮಾಜ, ದೇಶ, ವಿಶ್ವದ ಒಟ್ಟಾರೆಯ ಬದುಕನ್ನು ಸಂಕಟಕ್ಕೀಡು ಮಾಡುತ್ತದೆ. ಇಡೀ ವ್ಯವಸ್ಥೆಯನ್ನೇ ಬುಡಮೇಲು ಮಾಡುತ್ತದೆ. ಹಾಗೆ ವ್ಯವಸ್ಥೆ ಬುಡಮೇಲಾಗುವುದೆಂದರೆ ಪರೋಕ್ಷವಾಗಿ ವ್ಯಕ್ತಿ ಮತ್ತು ಕುಟುಂಬಗಳು ಬುಡಮೇಲಾಗುವುದು ಎಂದೇ ಅರ್ಥ. ಈ […]

ಸಾಂಕ್ರಾಮಿಕ ರೋಗ ಕನ್ನಡ ಸಾಹಿತ್ಯಕ್ಕೆ ಕೇಂದ್ರ ವಸ್ತುವಾಗಿ ಒದಗಿಲ್ಲ!

ಡಾ.ಬಾಳಾಸಾಹೇಬ ಲೋಕಾಪುರ

 ಸಾಂಕ್ರಾಮಿಕ ರೋಗ ಕನ್ನಡ ಸಾಹಿತ್ಯಕ್ಕೆ ಕೇಂದ್ರ ವಸ್ತುವಾಗಿ ಒದಗಿಲ್ಲ! <p><sub> ಡಾ.ಬಾಳಾಸಾಹೇಬ ಲೋಕಾಪುರ </sub></p>

ಕನ್ನಡ ಸಾಹಿತ್ಯದ ಎಲ್ಲ ಪ್ರಕಾರಗಳನ್ನು ಒಟ್ಟಾರೆಯಾಗಿ ನೋಡಿದರೆ ಸಾಂಕ್ರಾಮಿಕ ರೋಗಗಳ ಬಗ್ಗೆ ಪೂರ್ಣ ಪ್ರಮಾಣದ ಚಿತ್ರಣವೇ ಕಾಣುವುದಿಲ್ಲ. ಇಂತಹ ಮಹತ್ವದ ಸಂಗತಿಯನ್ನು ಕನ್ನಡ ಲೇಖಕರು ತಮ್ಮ ಸಾಹಿತ್ಯದ ವಸ್ತುವನ್ನಾಗಿ ಏಕೆ ಮಾಡಿಕೊಂಡಿಲ್ಲ ಎನ್ನುವ ಕುತೂಹಲ ಮತ್ತು ಆಶ್ಚರ್ಯ ಹುಟ್ಟಿಸುವ ಪ್ರಶ್ನೆಗೆ ಉತ್ತರ ಹುಡುಕಬೇಕಿದೆ. ಕಾದಂಬರಿ ಪ್ರಕಾರದ ಸಾಹಿತ್ಯ ಕನ್ನಡದಲ್ಲಿ ವಿಪುಲವಾಗಿ ಬಂದಿದೆ. ನವೋದಯ ಕಾಲಘಟ್ಟದಿಂದ ಮೊದಲ್ಗೊಂಡು ಈ ಕಾಲದ ಅನೇಕ ಲೇಖಕರು ಕಾದಂಬರಿ ಪ್ರಕಾರವನ್ನು ಗಂಭೀರವಾಗಿ ತೆಗೆದುಕೊಂಡು ಕೃಷಿ ಮಾಡುತ್ತಿದ್ದಾರೆ. ಕಾದಂಬರಿ ಏನು ಇತಿಹಾಸವಲ್ಲ. ಆದರೆ ಕಾದಂಬರಿ […]

ಜಾನಪದದಲ್ಲಿ ಸಾಂಕ್ರಾಮಿಕ ರೋಗಗಳು

ಡಾ.ವಿಜಯಲಕ್ಷ್ಮಿ ಮನಾಪುರ

 ಜಾನಪದದಲ್ಲಿ ಸಾಂಕ್ರಾಮಿಕ ರೋಗಗಳು <p><sub> ಡಾ.ವಿಜಯಲಕ್ಷ್ಮಿ ಮನಾಪುರ </sub></p>

ಯಾವುದೇ ತಂತ್ರಜ್ಞಾನ, ವೈಜ್ಞಾನಿಕತೆ ಆವಿಷ್ಕಾರಗೊಂಡಿಲ್ಲದ ಕಾಲಘಟ್ಟದಲ್ಲಿಯೇ ಜನಪದರು ತಮ್ಮ ಬದುಕಿಗೆ ಕಂಟಕಪ್ರಾಯವಾಗಿದ್ದ ಗಂಟು, ಪ್ಲೇಗು, ಸಿಡುಬು, ಕಾಲರಾ, ದಡಾರದಂತಹ ದೊಡ್ಡ ರೋಗಗಳಿಗೆ ಮುಖಾಮುಖಿಯಾಗಿದ್ದರು. ಜನಪದರು ರೋಗಗಳು ಬರುವ ಮುಂಚೆ ಹಾಗೂ ಬಂದನಂತರ ವಹಿಸಬೇಕಾದ ಮುನ್ನೆಚ್ಚರಿಕೆ ಕ್ರಮಗಳನ್ನು ಸಹಜ ಜೀವನದಲ್ಲಿಯೇ ರೂಢಿಸಿಕೊಂಡಿದ್ದರು. ಅವುಗಳ ಮೌಖಿಕ ಜಾಡು ಹಿಡಿದು ಎಚ್ಚರಿಕೆಯಿಂದ ವಿಶ್ಲೇಷಿಸಿಕೊಳ್ಳುವುದು ಅತ್ಯಗತ್ಯ.  ಮನುಕುಲವನ್ನು ಕಾಡಿದ ಮಾರಕ ರೋಗಕ್ಕೆ ಜನಪದ ಮನಸ್ಸು ಮೌಖಿಕ ಪರಂಪರೆಯಲ್ಲಿ ಕಲ್ಪಿಸಿಕೊಂಡಿದ್ದ ವಿಧಾನ, ನಿದಾನ, ನಂಬಿಕೆ, ಆಚರಣೆ, ಐತಿಹ್ಯ, ಸಾಹಿತ್ಯ, ಬೈಗುಳ ಮುಂತಾದ ಮಾಹಿತಿಗಳು ಮುಖ್ಯ. […]

1904ರಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ಗಾಂಧೀಜಿ ಕಂಡ ಕಪ್ಪು ಪ್ಲೇಗ್

ಸಂಗ್ರಹ: ಎಚ್.ಜೆ.ಸರಸ್ವತಿ

 1904ರಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ  ಗಾಂಧೀಜಿ ಕಂಡ ಕಪ್ಪು ಪ್ಲೇಗ್ <p><sub> ಸಂಗ್ರಹ: ಎಚ್.ಜೆ.ಸರಸ್ವತಿ </sub></p>

ಅದು ಭಯಂಕರ ರಾತ್ರಿಯಾಗಿತ್ತು. ಗಾಂಧೀಜಿಗೆ ರೋಗಿಗಳ ಸೇವೆ ಹೊಸದಾಗಿರಲಿಲ್ಲ. ಆದರೆ ಕಪ್ಪು ಪ್ಲೇಗ್ ತಗಲಿದವರ ಶುಶ್ರೂಷೆ ಇದೇ ಮೊದಲಿನದಾಗಿತ್ತು… ದಕ್ಷಿಣ ಆಫ್ರಿಕಾದಲ್ಲಿ ಬ್ರಿಟಿಷ್ ವಸಾಹತುಶಾಹಿಗಳ ಕೃಷಿಭೂಮಿಯಲ್ಲಿ ಕೆಲಸ ಮಾಡಲು ಭಾರತದಿಂದ ಬಡ ಕೃಷಿಕಾರ್ಮಿಕರನ್ನು ಕರೆದುಕೊಂಡು ಹೋಗಲಾಗುತ್ತಿತ್ತು. ಇವರು ನಿರ್ದಿಷ್ಟ ಅವಧಿಯವರೆಗೆ ಬಿಳಿಯ ಯಜಮಾನರ ಕೈಕೆಳಗೆ ಕರಾರು ಕೂಲಿಗಳಾಗಿರುತ್ತಿದ್ದರು. ಆದ್ದರಿಂದ ಇವರನ್ನು ‘ಗಿರಿಮಿಟಿಯ’ ಗಳೆಂದು ಕರೆಯಲಾಗುತ್ತಿತ್ತು. ಬಿಹಾರಿಗಳು, ತೆಲುಗರು, ತಮಿಳರು, ಗುಜರಾತಿಗಳು ಈ ವಲಸೆ ಕಾರ್ಮಿಕರ ಗುಂಪಿನಲ್ಲಿದ್ದರು. ಇವರು ವಾಸಮಾಡುವ ಸ್ಥಳಗಳನ್ನು ‘ಕೂಲಿಲೊಕೇಷನ್’, ‘ಕೂಲಿಕೇರಿ’, ‘ಘೆಟ್ಟೊ’ ಎಂದು ಕರೆಯಲಾಗುತ್ತಿತ್ತು. […]

ಅನಿಸಿಕೆಗಳು

‘ಹಾಲಿವಾಣ’ದ ಎಲೆ ಮೇಲೆ ಗಣಿಯ ದೂಳು! ಜೂನ್ ಸಂಚಿಕೆ ಚೆನ್ನಾಗಿದೆ. ಅಂದಹಾಗೆ ‘ಹಣವಿದೆ, ಅರಣ್ಯ ಬೆಳೆಸುವವರಿಲ್ಲ!’ (ಶ್ರೀಶೈಲ ಆಲದಹಳ್ಳಿ) ಕಿರುಲೇಖನ ಓದಿದೆ. ಈ ಸರ್ಕಾರಿ ವ್ಯವಸ್ಥೆಯ ಬೇಜವಾಬ್ದಾರಿ ಕುರಿತು ಮೈ ಎಲ್ಲಾ ಉರಿದು ಹೋಯ್ತು. ಏಕೆಂದರೆ ಈ ಸಂಡೂರು ಮತ್ತು ಹೊಸಪೇಟೆಯ ಅರಣ್ಯದಲ್ಲಿ ನಡೆದ ಅಕ್ರಮ-ಮಿತಿಮೀರಿದ ಗಣಿಗಾರಿಕೆಯಿಂದ ನಮಗಾಗಿರೋದು ಬರೀ ಆರ್ಥಿಕ ನಷ್ಟವಷ್ಟೇ ಅಲ್ಲ, ಪಾರಿಸರಿಕ ಹಾಗು ಸಾಂಸ್ಕೃತಿಕ ನಷ್ಟಗಳೂ ಅನೇಕ. ‘ಹಾಲಿವಾಣ’ ಎಂಬುದು ಒಂದು ಮರದ ಹೆಸರು. ಅದು ಚಳಿಗಾಲದಲ್ಲಿ ಸುಂದರವಾದ ಹೂಗಳನ್ನು ಬಿಡುತ್ತದೆ. ಕುವೆಂಪು […]

ಭಗವಂತ ಕೊರೊನಾ ಅವತಾರ ಏಕೆ ಎತ್ತಿರಬಾರದು?

-ಎನ್.ಬೋರಲಿಂಗಯ್ಯ

 ಭಗವಂತ ಕೊರೊನಾ ಅವತಾರ ಏಕೆ ಎತ್ತಿರಬಾರದು? <p><sub> -ಎನ್.ಬೋರಲಿಂಗಯ್ಯ </sub></p>

ಕುವೆಂಪು 1935ರಷ್ಟು ಹಿಂದೆ ಯುವಕಯುವತಿಯರಿಗೆ ಕೊಟ್ಟಿದ್ದ ಕರೆ ಈಗ ನಿಜವಾಗುತ್ತಿದೆ. ಗುಡಿ ಚರ್ಚು ಮಸೀದಿಗಳ ಬಾಗಿಲು ಮುಚ್ಚುತ್ತಿವೆ. ಬರಿದಾಗುತ್ತಿದ್ದ ಹಳ್ಳಿಗಳು ಮತ್ತೆ ತುಂಬಿಕೊಂಡು ವ್ಯವಸಾಯ ಪುನಶ್ಚೇತನಗೊಳ್ಳುತ್ತಿದೆ. ದೇವರ, ಧರ್ಮದ ಹೆಸರಿನಲ್ಲಿ ಹರಡುತ್ತಿದ್ದ ಮೌಢ್ಯತೆಯ ಮಾರಿ ವಿಜ್ಞಾನ ದೀವಿಗೆಯ ಬೆಳಕಿನಲ್ಲಿ ಬಯಲಾಗುತ್ತಿದೆ. ಸಮಾಜಮುಖಿ ತನ್ನ ಈ ವರ್ಷದ ಏಪ್ರಿಲ್ ಮತ್ತು ಮೇ ತಿಂಗಳುಗಳ ಸಂಯುಕ್ತ ಮುಖ್ಯ ಚರ್ಚೆಯ ವಿಷಯಗಳಾಗಿ ಆಯ್ದುಕೊಂಡಿರುವ ‘ಕೊರೊನಾ ನಂತರದ ಯುಗದ ಗುಣಲಕ್ಷಣಗಳೇನು?’ ಮತ್ತು ‘ಕರ್ನಾಟಕದಲ್ಲಿ ಪರಿಸರ ಸಮತೋಲನ ಸಾಧಿಸುವಲ್ಲಿ ಯಶಸ್ವಿಯಾಗುತ್ತಿದ್ದೇವೆಯೇ?’ ಎಂಬ ಪರಸ್ಪರ ಪೂರಕ […]

ಸಾಮಾಜಿಕ ಜೀವನ ಕ್ರಮಗಳ ನೈತಿಕ ಶಕ್ತಿಯೇ ಸಾಂಕ್ರಾಮಿಕ ರೋಗಗಳಿಗೆ ಮದ್ದು

-ಡಾ.ಮೊಗಳ್ಳಿ ಗಣೇಶ್

 ಸಾಮಾಜಿಕ ಜೀವನ ಕ್ರಮಗಳ ನೈತಿಕ ಶಕ್ತಿಯೇ ಸಾಂಕ್ರಾಮಿಕ ರೋಗಗಳಿಗೆ ಮದ್ದು <p><sub> -ಡಾ.ಮೊಗಳ್ಳಿ ಗಣೇಶ್ </sub></p>

ಬಚ್ಚಿಟ್ಟ ಬಯಕೆಗಳೇ ನಮ್ಮ ಕನಸುಗಳು, ಒತ್ತಡದ ಮಾನಸಿಕ ಹಿಂಸೆಗಳೇ ಮನೋರೋಗಗಳು ಎಂದು ಮನೋವಿಶ್ಲೇಷಣೆ ಮಾಡಿದ ಸಿಗ್ಮಂಡ್ ಫ್ರಾಯ್ಡ್ ಆ ಮೂಲಕ ಮನುಷ್ಯರ ಭಯ, ಆತಂಕ, ತಳಮಳದ ವರ್ತನೆಗಳು ಮತ್ತು ಸ್ವಪ್ನಗಳ ಸಿದ್ಧಾಂತ ಮಂಡಿಸಿದ. ಆ ರೀತಿಯಲ್ಲಿ ಈ ಕೊರೋನಾ ಕಾಲದ ಜಾಗತಿಕ ಮನೋವಿಶ್ಲೇಷಣೆ ಆಗಬೇಕು. ವಿಕಾಸದ ಹಾದಿಯಲ್ಲಿ ಮಾನವ ಸಾಕಷ್ಟು ಸಾಂಕ್ರಾಮಿಕ ರೋಗಬಾಧೆಗಳನ್ನು ಅನುಭವಿಸಿ ಬಂದಿದ್ದಾನೆ. ಕೊರೋನಾ ಈ ಕಾಲದ ಒಂದು ಎಚ್ಚರಿಕೆಯ ಗಂಟೆ. ಎಲ್ಲ ರೋಗಗಳಿಗೂ ನಿಸರ್ಗದಲ್ಲೆ, ಸಮಾಜಗಳಲ್ಲೆ ಔಷಧವಿದೆ. ಯಾವ ಜೀವಿಯೂ ನಿಸರ್ಗಕ್ಕೆ ವೈರಿ […]

ಜಗತ್ತಿನ ತುರ್ತು ಅಗತ್ಯ ದಾರ್ಶನಿಕ ನಾಯಕತ್ವ

-ಡಾ.ಜ್ಯೋತಿ

 ಜಗತ್ತಿನ ತುರ್ತು ಅಗತ್ಯ ದಾರ್ಶನಿಕ ನಾಯಕತ್ವ <p><sub> -ಡಾ.ಜ್ಯೋತಿ </sub></p>

ಕೋವಿಡ್-19 ವೈರಸಿನಿಂದ ಸದ್ಯ ಪಾರಾದರೂ, ಮುಂದಿನ ದಿನಗಳಲ್ಲಿ ಹೊಸ ವೈರಸುಗಳು ಮನುಷ್ಯನ ನಿದ್ದೆ ಕೆಡಿಸಲಿವೆ. ಹಾಗಾಗಿ, ಇದು ಭೂಮಿ ನಮಗೆ ಕೊಡುತ್ತಿರುವ ಕೊನೆಯ ಎಚ್ಚರಿಕೆಯ ಕರೆಗಂಟೆಯೆಂದೇ ಭಾವಿಸಬೇಕು. ಹೆಸರಾಂತ ಗ್ರೀಕ್ ತತ್ವಶಾಸ್ತ್ರಜ್ಞ ಪ್ಲೇಟೋ ಹೇಳಿದಂತೆ, ರಾಜಕೀಯ ನಾಯಕತ್ವ ದಾರ್ಶನಿಕರ ಕೈಯಲ್ಲಿರಬೇಕು. ಯಾಕೆಂದರೆ, ಒಬ್ಬ ಉತ್ತಮ ದಾರ್ಶನಿಕನಲ್ಲಿ ಜ್ಞಾನ, ಬುದ್ಧಿವಂತಿಕೆ, ದೂರದೃಷ್ಟಿ, ಜೊತೆಗೆ ಸಂಯಮ ಅಂತರ್ಗತವಾಗಿರುತ್ತದೆ. ಇವೆಲ್ಲಾ ರಾಷ್ಟ್ರನಾಯಕರಲ್ಲಿ ಅತ್ಯಗತ್ಯವಾಗಿರಬೇಕಾದ ಲಕ್ಷಣಗಳು. ಪ್ರಸ್ತುತ, ಕೊರೊನ ವೈರಸ್ ದಾಳಿಯಿಂದ ಇಡೀ ವಿಶ್ವವೇ ತತ್ತರಿಸುತ್ತಿರುವಾಗ, ನಮ್ಮೆಲ್ಲಾ ನಾಗರಿಕ ವ್ಯವಸ್ಥೆಗಳು ದುರ್ಬಲವಾಗಿ ಕಾಣಿಸುತ್ತಿರುವುದಕ್ಕೆ, […]

ಭಾಷಣ ಘೋಷಣೆಗಳಾಚೆ ಪಶ್ಚಿಮಘಟ್ಟದ ಕಾಡು-ಪಾಡು

-ದಿನೇಶ್ ಹೊಳ್ಳ

 ಭಾಷಣ ಘೋಷಣೆಗಳಾಚೆ ಪಶ್ಚಿಮಘಟ್ಟದ ಕಾಡು-ಪಾಡು <p><sub> -ದಿನೇಶ್ ಹೊಳ್ಳ </sub></p>

ಒಂದು ವಿಧಾನ ಸೌಧ ಅಥವಾ ಮೈಸೂರು ಅರಮನೆ ಬಿದ್ದುಹೋದರೆ ಅಂತಹ ನೂರಾರು ಸೌಧ, ಅರಮನೆಗಳನ್ನು ಅದಕ್ಕಿಂತ ಭವ್ಯವಾಗಿ ನಿರ್ಮಿಸಬಹುದು, ಆದರೆ ಒಂದು ನದೀಮೂಲ ಅಳಿದುಹೋದರೆ ಅದನ್ನು ಮರುಸ್ಥಾಪಿಸಲು ನಮ್ಮಲ್ಲಿ ಯಾವುದೇ ವಿಜ್ಞಾನ, ತಂತ್ರಗಾರಿಕೆ ಇಲ್ಲ. ದಕ್ಷಿಣ ಭಾರತದ ಸಕಲ ಜೀವ ಸಂಕುಲಗಳ ಬದುಕಿನ ಚೇತನಾ ಶಕ್ತಿ ಅಂದರೆ ಅದು ಪಶ್ಚಿಮ ಘಟ್ಟ ಮತ್ತು ಅಲ್ಲಿನ ನದೀ ಮೂಲ, ಮಳೆಕಾಡು. ಪಶ್ಚಿಮ ಘಟ್ಟಕ್ಕೆ ಏನಾದರೂ ಸಮಸ್ಯೆ ಆದರೆ ಅದು ಇಡೀ ದಕ್ಷಿಣ ಭಾರತದ ಜನಜೀವನದ ಮೇಲೆ ದುಷ್ಪರಿಣಾಮ ಬೀರಬಹುದು. […]

ಸುಸ್ಥಿರ ಪ್ರಯತ್ನಗಳಿಗಳಿಗೆ ವೇಗ ಮತ್ತು ವಿಸ್ತಾರದ ಅಗತ್ಯವಿದೆ

-ಮಂಜುನಾಥ ಡಿ.ಎಸ್.

 ಸುಸ್ಥಿರ ಪ್ರಯತ್ನಗಳಿಗಳಿಗೆ  ವೇಗ ಮತ್ತು ವಿಸ್ತಾರದ ಅಗತ್ಯವಿದೆ <p><sub> -ಮಂಜುನಾಥ ಡಿ.ಎಸ್. </sub></p>

ದೇಶದ ಇತರೆಡೆಗಳಂತೆ ಕರ್ನಾಟಕದಲ್ಲಿಯೂ ಪರಿಸರ ಸಮತೋಲನ ಕಾಯ್ದುಕೊಳ್ಳುವ ನಿಟ್ಟಿನಲ್ಲಿ ಅನೇಕ ಯೋಜನೆಗಳು ರೂಪುಗೊಂಡಿವೆ, ಅನುಷ್ಠಾನಗೊಂಡಿವೆ, ಹಾಗು ವಿವಿಧ ಪ್ರಮಾಣಗಳಲ್ಲಿ ಯಶಸ್ಸನ್ನೂ ಗಳಿಸಿವೆ ಎಂಬುದರಲ್ಲಿ ಎರಡು ಮಾತಿಲ್ಲ. ಇಷ್ಟರಿಂದಲೇ ತೃಪ್ತರಾಗದೆ ಇನ್ನೂ ಹೆಚ್ಚಿನ ಕಾಳಜಿ, ಉತ್ಸಾಹಗಳಿಂದ ಮುನ್ನಡೆಯಬೇಕಾದ ಅನಿವಾರ್ಯತೆಯನ್ನೂ ನಾವು ಅರ್ಥಮಾಡಿಕೊಳ್ಳಬೇಕಾಗಿದೆ. ನಮ್ಮ ಜೀವನದ ಅತ್ಯಾವಶ್ಯಕ ಧಾತುವಾದ ನೀರಿನ ಉದಾಹರಣೆಯೊಂದಿಗೆ ನನ್ನ ಅನಿಸಿಕೆಗಳನ್ನು ಪ್ರಸ್ತುತಪಡಿಸುತ್ತಿದ್ದೇನೆ. ಇವು ಬೃಹತ್ ಬೆಂಗಳೂರಿನ ಮಿತಿಯಲ್ಲಿ ನೀರಿನ ವಿಷಯಕ್ಕೆ ಸಂಬಂಧಿಸಿದ್ದಾಗಿವೆ.  1 ಜುಲೈ 2019ರ ನ್ಯೂಸ್-18 ವರದಿಯಂತೆ, ವೇಗವಾಗಿ ಬೆಳೆಯುತ್ತಿರುವ ಜನಸಂಖ್ಯೆ ನಗರದ ನೈಸರ್ಗಿಕ […]

1 2 3 6